گردش جام نہیں گردش ایام تو ہےسعیٔ ناکام سہی پھر بھی کوئی کام تو ہے
دل کی بیتابی کا آخر کہیں انجام تو ہےمیری قسمت میں نہیں دہر میں آرام تو ہے
مائل لطف و کرم حسن دل آرام تو ہےمیری خاطر نہ سہی کوئی سر بام تو ہے
تو نہیں میرا مسیحا مرا قاتل ہی سہیمجھ سے وابستہ کسی طور ترا نام تو ہے
حلقۂ موج میں اک اور سفینہ آیاساحل بحر پہ کہرام کا ہنگام تو ہے
تنگ دستو تہی دامانو کرو شکر خدامئے گلفام نہیں ہے شفق شام تو ہے
— احمد راہی
Gardish-e-jam nahin gardish-e-ayyam to haiSa'i-e-nakam sahi phir bhi koi kam to hai
Dil ki betabi ka akhir kahin anjam to haiMeri qismat mein nahin dahr mein aaram to hai
Ma'il-e-lutf-o-karam husn-e-dil-aram to haiMeri khatir nah sahi koi sar-e-bam to hai
Tu nahin mera masiha mara qatil hi sahiMujh se wabasta kisi taur tera naam to hai
Halqa-e-mauj mein ik aur safeena aayaSahil-e-bahr pe kuhram ka hangam to hai
Tang-dasto tihi-damano karo shukr-e-khudaMai-e-gulfam nahin hai shafaq-e-sham to hai
فرہنگ
تشریح
اس غزل میں شاعر زندگی کی محرومیوں اور ناکامیوں کے باوجود امید کا دامن نہیں چھوڑتا۔ وہ کہتا ہے کہ گردش ایام تو ہے، مگر اس میں کوئی نہ کوئی کام یا سہارا ضرور باقی ہے۔ شاعر محبوب سے شکوہ بھی کرتا ہے اور اس کی یاد کو اپنے لیے باعثِ تسلی سمجھتا ہے۔ آخری شعر میں تنگ دستوں کو شکر ادا کرنے کی تلقین کی گئی ہے کہ شفق کی سرخی ہی سہی، کچھ نہ کچھ میسر تو ہے۔ لہجہ سادہ، پرسکون اور رجائیت آمیز ہے۔