اب وہ یہ کہہ رہے ہیں مری مان جائیے – داغ دہلوی

اب وہ یہ کہہ رہے ہیں مری مان جائیےاللہ تیری شان کے قربان جائیے

بگڑے ہوئے مزاج کو پہچان جائیےسیدھی طرح نہ مانئے گا مان جائیے

کس کا ہے خوف روکنے والا ہی کون ہےہر روز کیوں نہ جائیے مہمان جائیے

محفل میں کس نے آپ کو دل میں چھپا لیااتنوں میں کون چور ہے پہچان جائیے

ہیں تیوری میں بل تو نگاہیں پھری ہوئیجاتے ہیں ایسے آنے سے اوسان جائیے

دو مشکلیں ہیں ایک جتانے میں شوق کےپہلے تو جان جائیے پھر مان جائیے

انسان کو ہے خانۂ ہستی میں لطف کیامہمان آئیے تو پشیمان جائیے

گو وعدۂ وصال ہو جھوٹا مزہ تو ہےکیوں کر نہ ایسے جھوٹ کے قربان جائیے

رہ جائے بعد وصل بھی چیٹک لگی ہوئیکچھ رکھئے کچھ نکال کے ارمان جائیے

اچھی کہی کہ غیر کے گھر تک ذرا چلومیں آپ کا نہیں ہوں نگہبان جائیے

آئے ہیں آپ غیر کے گھر سے کھڑے کھڑےیہ اور کو جتایئے احسان، جائیے

دونوں سے امتحان وفا پر یہ کہہ دیامنوائیے رقیب کو یا مان جائیے

کیا بدگمانیاں ہیں انہیں مجھ کو حکم ہےگھر میں خدا کے بھی تو نہ مہمان جائیے

کیا فرض ہے کہ سب مری باتیں قبول ہیںسن سن کے کچھ نہ مانئے کچھ مان جائیے

سودائیان زلف میں کچھ تو لٹک بھی ہوجنت میں جائیے تو پریشان جائیے

دل کو جو دیکھ لو تو یہی پیار سے کہوقربان جائیے ترے قربان جائیے

جانے نہ دوں گا آپ کو بے فیصلہ ہوئےدل کے مقدمے کو ابھی چھان جائیے

یہ تو بجا کہ آپ کو دنیا سے کیا غرضجاتی ہے جس کی جان اسے جان جائیے

غصے میں ہاتھ سے یہ نشانی نہ گر پڑےدامن میں لے کے میرا گریبان جائیے

یہ مختصر جواب ملا عرض وصل پردل مانتا نہیں کہ تری مان جائیے

وہ آزمودہ کار تو ہے گر ولی نہیںجو کچھ بتائے داغؔ اسے مان جائیے

— داغ دہلوی

Ab woh yeh keh rahe hain meri maan jaiyeAllah teri shaan ke qurban jaiye

Bigde hue mizaj ko pehchan jaiyeSeedhi tarah na maniye ga maan jaiye

Kis ka hai khauf rokne wala hi kaun haiHar roz kyun na jaiye mehman jaiye

Mahfil mein kis ne aap ko dil mein chhupa liyaItnon mein kaun chor hai pehchan jaiye

Hain tewri mein bal to nigahen phiri huiJate hain aise aane se ausaan jaiye

Do mushkilen hain ek jatane mein shauq kePahle to jaan jaiye phir maan jaiye

Insan ko hai khana-e-hasti mein lutf kyaMehman aaiye to pashiman jaiye

Go wada-e-visal ho jhoota maza to haiKyun kar na aise jhoot ke qurban jaiye

Rah jaye baad vasl bhi cheetak lagi huiKuchh rakhiye kuchh nikal ke arman jaiye

Achhi kahi ki ghair ke ghar tak zara chaloMain aap ka nahin hoon nigahban jaiye

Aaye hain aap ghair ke ghar se khade khadeYeh aur ko jatayiye ehsan, jaiye

Donon se imtihan-e-wafa par yeh keh diyaManwaiye raqeeb ko ya maan jaiye

Kya badgumaniyan hain inhen mujhko hukm haiGhar mein khuda ke bhi to na mehman jaiye

Kya farz hai ki sab meri baaten qubool hainSun sun ke kuchh na maniye kuchh maan jaiye

Saudaiyan-e-zulf mein kuchh to latak bhi hoJannat mein jaiye to pareshan jaiye

Dil ko jo dekh lo to yahi pyar se kahoQurban jaiye tere qurban jaiye

Jane na doon ga aap ko be-faisla hueDil ke muqaddame ko abhi chhan jaiye

Yeh to baja ki aap ko duniya se kya gharzJati hai jis ki jaan use jaan jaiye

Ghusse mein hath se yeh nishani na gir padeDaman mein le ke mera gireban jaiye

Yeh mukhtasar jawab mila arz-e-vasl parDil manta nahin ki teri maan jaiye

Woh aazmuda-kar to hai gar wali nahinJo kuchh bataye 'Dagh' use maan jaiye