ابھی ہماری محبت کسی کو کیا معلومکسی کے دل کی حقیقت کسی کو کیا معلوم
یقیں تو یہ ہے وہ خط کا جواب لکھیں گےمگر نوشتۂ قسمت کسی کو کیا معلوم
بظاہر ان کو حیا دار لوگ سمجھے ہیںحیا میں جو ہے شرارت کسی کو کیا معلوم
قدم قدم پہ تمہارے ہمارے دل کی طرحبسی ہوئی ہے قیامت کسی کو کیا معلوم
یہ رنج و عیش ہوئے ہجر و وصل میں ہم کوکہاں ہے دوزخ و جنت کسی کو کیا معلوم
جو سخت بات سنے دل تو ٹوٹ جاتا ہےاس آئینے کی نزاکت کسی کو کیا معلوم
کیا کریں وہ سنانے کو پیار کی باتیںانہیں ہے مجھ سے عداوت کسی کو کیا معلوم
خدا کرے نہ پھنسے دام عشق میں کوئیاٹھائی ہے جو مصیبت کسی کو کیا معلوم
ابھی تو فتنے ہی برپا کئے ہیں عالم میںاٹھائیں گے وہ قیامت کسی کو کیا معلوم
جناب داغؔ کے مشرب کو ہم سے تو پوچھوچھپے ہوئے ہیں یہ حضرت کسی کو کیا معلوم
— داغ دہلوی
Abhi hamari muhabbat kisi ko kya malumKisi ke dil ki haqeeqat kisi ko kya malum
Yaqeen to yeh hai woh khat ka jawab likhengeMagar nawishta-e-qismat kisi ko kya malum
Bazahir in ko haya-dar log samjhe hainHaya mein jo hai shararat kisi ko kya malum
Qadam qadam pe tumhare hamare dil ki tarahBasi hui hai qayamat kisi ko kya malum
Yeh ranj-o-aish hue hijr-o-vasl mein hum koKahan hai dozakh-o-jannat kisi ko kya malum
Jo sakht baat sune dil to toot jata haiIs aaine ki nazakat kisi ko kya malum
Kya karen woh sunane ko pyar ki baatenInhen hai mujh se adawat kisi ko kya malum
Khuda kare na phanse dam-e-ishq mein koiUthai hai jo museebat kisi ko kya malum
Abhi to fitne hi barpa kiye hain aalam meinUthayenge woh qayamat kisi ko kya malum
Janab 'Dagh' ke mashrab ko hum se to poochhoChhupe hue hain yeh hazrat kisi ko kya malum