دل گیا تم نے لیا ہم کیا کریںجانے والی چیز کا غم کیا کریں
ہم نے مر کر ہجر میں پائی شفاایسے اچھوں کا وہ ماتم کیا کریں
اپنے ہی غم سے نہیں ملتی نجاتاس بنا پر فکر عالم کیا کریں
ایک ساغر پر ہے اپنی زندگیرفتہ رفتہ اس سے بھی کم کیا کریں
کر چکے سب اپنی اپنی حکمتیںدم نکلتا ہو تو ہمدم کیا کریں
دل نے سیکھا شیوۂ بیگانگیایسے نامحرم کو محرم کیا کریں
معرکہ ہے آج حسن و عشق کادیکھیے وہ کیا کریں ہم کیا کریں
آئینہ ہے اور وہ ہیں دیکھیےفیصلہ دونوں یہ باہم کیا کریں
آدمی ہونا بہت دشوار ہےپھر فرشتے حرص آدم کیا کریں
تند خو ہے کب سنے وہ دل کی باتاور بھی برہم کو برہم کیا کریں
حیدرآباد اور لنگر یاد ہےاب کے دلی میں محرم کیا کریں
کہتے ہیں اہل سفارش مجھ سے داغؔتیری قسمت ہے بری ہم کیا کریں
— داغ دہلوی
Dil gaya tum ne liya hum kya kareinJaane wali cheez ka gham kya karein
Hum ne mar kar hijr mein paayi shafaAise achchhon ka woh maatam kya karein
Apne hi gham se nahin milti nijaatIs bina par fikr-e-aalam kya karein
Ek saghar par hai apni zindagiRafta rafta is se bhi kam kya karein
Kar chuke sab apni apni hikmateinDam nikalta ho toh hamdam kya karein
Dil ne seekha shiwa-e-begangiAise namahram ko mahram kya karein
Ma'arka hai aaj husn-o-ishq kaDekhiye woh kya karein hum kya karein
Aaina hai aur woh hain dekhiyeFaisla donon yeh baham kya karein
Aadmi hona bahut dushwar haiPhir farishte hirs-e-aadam kya karein
Tand-kho hai kab sune woh dil ki baatAur bhi barham ko barham kya karein
Hyderabad aur langar yaad haiAb ke Dilli mein Muharram kya karein
Kehte hain ahl-e-sifarish mujh se DaaghTeri qismat hai buri hum kya karein