کل رات سونی چھت پہ عجب سانحہ ہوا – محمد علوی

کل رات سونی چھت پہ عجب سانحہ ہواجانے دو یار کون بتائے کہ کیا ہوا

نظروں سے ناپتا ہے سمندر کی وسعتیںساحل پہ اک شخص اکیلا کھڑا ہوا

لمبی سڑک پہ دور تلک کوئی بھی نہ تھاپلکیں جھپک رہا تھا دریچہ کھلا ہوا

مانا کہ تو ذہین بھی ہے خوب رو بھی ہےتجھ سا نہ میں ہوا تو بھلا کیا برا ہوا

دن ڈھل رہا تھا جب اسے دفنا کے آئے تھےسورج بھی تھا ملول زمیں پر جھکا ہوا

کیا ظلم ہے کہ شہر میں رہنے کو گھر نہیںجنگل میں پیڑ پیڑ پہ تھا گھر بنا ہوا

علویؔ غزل کا خبط ابھی کم نہیں ہواجائے گا جی کے ساتھ یہ ہوکا لگا ہوا

— محمد علوی