خواب میں ایک مکاں دیکھا تھا – محمد علوی

خواب میں ایک مکاں دیکھا تھاپھر نہ کھڑکی تھی نہ دروازہ تھا

سونے رستے پہ سر شام کوئیگھر کی یادوں میں گھرا بیٹھا تھا

لوگ کہتے ہیں کہ مجھ سا تھا کوئیوہ جو بچوں کی طرح رویا تھا

رات تھی اور کوئی ساتھ نہ تھاچاند بھی دور کھڑا ہنستا تھا

ایک میلا سا لگا تھا دل میںمیں اکیلا ہی پھرا کرتا تھا

ایسا ہنگامہ نہ تھا جنگل میںشہر میں آئے تو ڈر لگتا تھا

غم کے دریا میں تری یادوں کااک جزیرہ سا ابھر آیا تھا

کون آیا تھا مکاں میں علویؔکس نے دروازہ ابھی کھولا تھا

— محمد علوی