نیند میں مرا مناروز مسکراتا ہے
چسکیاں سی بھرتا ہےاور کھلکھلاتا ہے
نیند میں مرا مناخواب دیکھتا ہوگا
دودھ کی کئی نہریںخواب میں بہی ہوں گی
ننھے ننھے پودوں پرٹافیاں لگی ہوں گی
کیک کے مکاں ہوں گےجن کی چھت پہ مکھن کی
برف جم رہی ہوگیچاند ہنس رہا ہوگا
چاندنی کھلی ہوگیننھی منی چڑیائیں
نیلی پیلی گڑیائیںرقص کر رہی ہوں گی
ایک ٹانگ کا مرغابانگ دے رہا ہوگا
پچھلے پاؤں پر بھالوناچنے لگا ہوگا
کاٹھ کا حسیں گھوڑاہنہنا رہا ہوگا
جس پہ بیٹھ کر منامسکرا رہا ہوگا
اور اس کی اماں کیپیار سے بھری آنکھیں
ایک ایک کونے سےاس کو دیکھتی ہوں گی
نیند میں مرا مناروز مسکراتا ہے
چسکیاں سی بھرتا ہےاور کھلکھلاتا ہے
نیند میں مرا مناچونک چونک پڑتا ہے
ہڑبڑا سا جاتا ہےاور رونے لگتا ہے
نیند میں مرا مناخواب دیکھتا ہوگا
اک گھنا گھنا جنگلخواب میں رہا ہوگا
اونچے اونچے پیڑوں کیپھیلی پھیلی شاخوں پر
سانپ رینگتے ہوں گےسبز سبز پتوں کے
نرم نرم بستر پرشیر اونگھتے ہوں گے
ہاتھیوں کے دل کے دللمبی لمبی سونڈوں سے
گھاس کھا رہے ہوں گےجھاڑیوں میں چھپ چھپ کر
کالے کالے بن مانستیر پھینکتے ہوں گے
ہاں انہی درندوں میںہو نہ ہو مرا منا
گھر کے رہ گیا ہوگااور اس کی اماں کی
خوف سے بھری آنکھیںایک ایک کونے سے
اس کو دیکھتی ہوں گینیند میں مرا منا
چونک چونک پڑتا ہےہڑبڑا سا جاتا ہے
اور رونے لگتا ہےجاگ کر مرا منا
مجھ کو پاس پاتا ہےمیری گود میں آ کر
رونا بھول جاتا ہے
— محمد علوی
Neend mein mera MunnaRoz muskurata hai
Chuskiyan si bharta haiAur khilkhilaata hai
Neend mein mera MunnaKhwab dekhta hoga
Doodh ki kayi nahreinKhwab mein behi hongi
Nanhe nanhe paudon parTofiyan lagi hongi
Cake ke makan hongeJin ki chhat pe makhan ki
Barf jam rahi hogiChand hans raha hoga
Chandni khili hogiNanni munni chidiyan
Neeli peeli gudiyanRaqs kar rahi hongi
Ek taang ka murghaBaang de raha hoga
Pichle paaon par bhaaluNachne laga hoga
Kaath ka haseen ghodaHinhina raha hoga
Jis pe baith kar MunnaMuskura raha hoga
Aur us ki Amma kiPyar se bhari aankhein
Ek ek kone seUs ko dekhti hongi
Neend mein mera MunnaRoz muskurata hai
Chuskiyan si bharta haiAur khilkhilaata hai
Neend mein mera MunnaChaunk chaunk padta hai
Hadbada sa jaata haiAur rone lagta hai
Neend mein mera MunnaKhwab dekhta hoga
Ek ghana ghana jangalKhwab mein raha hoga
Oonche oonche pedon kiPhaili phaili shakhon par
Saanp reengte hongeSabz sabz patton ke
Narm narm bistar parSher oonghte honge
Haathiyon ke dal ke dalLambi lambi soondon se
Ghaas kha rahe hongeJhaadiyon mein chhup chhup kar
Kaale kaale ban maanasTeer phenkte honge
Haan inhi darindon meinHo na ho mera Munna
Ghar ke reh gaya hogaAur us ki Amma ki
Khauf se bhari aankheinEk ek kone se
Us ko dekhti hongiNeend mein mera Munna
Chaunk chaunk padta haiHadbada sa jaata hai
Aur rone lagta haiJaag kar mera Munna
Mujh ko paas paata haiMeri god mein aa kar
Rona bhool jaata hai