تیسری آنکھ کھلے گی تو دکھائی دے گا – محمد علوی

تیسری آنکھ کھلے گی تو دکھائی دے گااور کے دن مرا ہم زاد جدائی دے گا

وہ نہ آئے گا مگر دل یہ کہے جاتا ہےاس کے آنے کا ابھی شور سنائی دے گا

دل کا آئینہ ہوا جاتا ہے دھندلا دھندلاکب ترا عکس اسے اپنی صفائی دے گا

خوش تھا میں چہرے پہ آنکھوں کو سجا کر لیکنکیا خبر تھی مجھے کچھ بھی نہ سجھائی دے گا

اپنے ہی خون میں آلودہ کیے بیٹھا ہوںکون اس ہاتھ میں اب دست حنائی دے گا

موت بھی دور بہت دور کہیں پھرتی ہےکون اب آ کے اسیروں کو رہائی دے گا

بیچنے نکلا ہوں علویؔ مرا دیوان مگرجانتا ہوں میں کوئی پیسہ نہ پائی دے گا

— محمد علوی