ظاہر عبادت وکھری ہوندی عشق مصلے وکھرے نے۔ہوشاں والے وکھرے ہوندے عاشق جھلے وکھرے نے۔
متھے تلک مہراباں دی وکھری جیہی اے گل یارو۔مالا گھنگرو وکھرا دکھ اے۔ چھاپاں چھلے وکھرے نے۔
دل دی دنیا وکھری ہوندی دنیا دی اے دنیا وکھری۔ملاں پنڈت وکھرے ہوندے۔ باہو بھلے وکھرے نے۔
فرض فریضے نفل نمازاں علم کتاباں وکھرے نے۔دل دی حسرت منت مراداں عشق دے چلے وکھرے نے۔
دنیا دی اے پوجا روٹی کھوہ کھوہ کھاون دوجے توں۔فقراں دا سب من و سلوٰئ لنگر چولہے وکھرے نے۔
دنیا داری وکھرا فن اے کھیڈن سارے لوکی ایہہ۔عشق دے روگی اختر کلے وچ وچلے وکھرے نے۔
نعیم اختر اعوان
— پنجابی شعرا
Zahir ibadat wakhri hondi ishq musalle wakhre ne.Hoshan wale wakhre honde aashiq jhalle wakhre ne.
Mathe talak mehraban di wakhri jehi ae gal yaaro.Maala ghungroo wakhra dikh ae. Chhapan chhalle wakhre ne.
Dil di duniya wakhri hondi duniya di ae duniya wakhri.Mullan pandit wakhre honde. Bahoo bhalle wakhre ne.
Farz farize nafal namazan ilm kitaban wakhre ne.Dil di hasrat minnat muradan ishq de challe wakhre ne.
Duniya di ae pooja roti kho kho khawan dooje ton.Faqran da sab man-o-salwa langar choolhe wakhre ne.
Duniya daari wakhra fan ae khedan saare loki eh.Ishq de rogi Akhtar kalle wich wuchle wakhre ne.
Naeem Akhtar Awan
