طبیعت سوئے آسانی کبھی مائل نہیں ہوتیمحبت میں کوئی مشکل بھی ہو مشکل نہیں ہوتی
مسافر بیٹھ جاتا ہے جہاں بس بیٹھ جاتا ہےپھر اس کے بعد اس کو خواہش منزل نہیں ہوتی
انہیں رحم آ ہی جائے گا تو عرض حال کرتا جاخلوص دل سے جو کوشش ہو لا حاصل نہیں ہوتی
تری محفل میں کون آیا تری محفل سے کون اٹھاتجھے اس کی خبر اے صاحب محفل نہیں ہوتی
بناتے ہی نشیمن برق آتی ہے جلانے کوخدا کا شکر ہے محنت مری زائل نہیں ہوتی
خوشی کی حد آخر پر تو آنسو ڈبڈباتے ہیںمگر کیا بات ہے غم کی کوئی منزل نہیں ہوتی
— سعید شہیدی
Tabiat su-e-asani kabhi mail nahin hotiMohabbat mein koi mushkil bhi ho mushkil nahin hoti
Musafir baith jata hai jahan bas baith jata haiPhir us ke baad us ko khwahish-e-manzil nahin hoti
Unhen rahm aa hi jaega tu arz-e-haal karta jaKhulus-e-dil se jo koshish ho la-hasil nahin hoti
Teri mahfil mein kaun aaya teri mahfil se kaun utthaTujhe is ki khabar ai sahab-e-mahfil nahin hoti
Banate hi nasheman barq aati hai jalane koKhuda ka shukr hai mehnat meri zail nahin hoti
Khushi ki hadd-e-akhir par to aansu dabdabaate hainMagar kya baat hai gham ki koi manzil nahin hoti
فرہنگ
تشریح
اس غزل میں شاعر نے محبت، مشکلات اور صبر و استقامت کے موضوع کو بیان کیا ہے۔ شاعر کا کہنا ہے کہ انسان کا مزاج آسانی کی طرف کبھی راغب نہیں ہوتا، اور محبت میں پیش آنے والی مشکل بھی مشکل محسوس نہیں ہوتی۔ مطلع میں یہ مضمون نمایاں ہے کہ عاشق مشکلات سے گھبراتا نہیں۔ ایک اور شعر میں شاعر کہتا ہے کہ خلوص دل سے کی گئی کوشش کبھی لاحاصل نہیں جاتی، جبکہ آخری شعر میں غم کی کوئی انتہا نہ ہونے کا خیال پیش کیا گیا ہے۔ لہجہ پُرامید اور پُرعزم ہے۔