ہے دعا یاد مگر حرف دعا یاد نہیںمیرے نغمات کو انداز نوا یاد نہیں
میں نے پلکوں سے در یار پہ دستک دی ہےمیں وہ سائل ہوں جسے کوئی صدا یاد نہیں
میں نے جن کے لیے راہوں میں بچھایا تھا لہوہم سے کہتے ہیں وہی عہد وفا یاد نہیں
کیسے بھر آئیں سر شام کسی کی آنکھیںکیسے تھرائی چراغوں کی ضیا یاد نہیں
صرف دھندلائے ستاروں کی چمک دیکھی ہےکب ہوا کون ہوا کس سے خفا یاد نہیں
زندگی جبر مسلسل کی طرح کاٹی ہےجانے کس جرم کی پائی ہے سزا یاد نہیں
آؤ اک سجدہ کریں عالم مدہوشی میںلوگ کہتے ہیں کہ ساغرؔ کو خدا یاد نہیں
— ساغرصدیقی
Hai dua yaad magar harf-e-dua yaad nahiMere naghmaat ko andaaz-e-nawa yaad nahi
Main ne palkon se dar-e-yaar pe dastak di haiMain woh saa'il hoon jise koi sada yaad nahi
Main ne jin ke liye raahon mein bichhaya tha lahooHum se kehte hain wohi ahd-e-wafa yaad nahi
Kaise bhar aayen sar-e-shaam kisi ki aankheinKaise tharrai charaghon ki ziya yaad nahi
Sirf dhundlaaye sitaron ki chamak dekhi haiKab hua kaun hua kis se khafa yaad nahi
Zindagi jabr-e-musalsal ki tarah kaati haiJaane kis jurm ki paayi hai saza yaad nahi
Aao ek sajda karein alam-e-madhoshi meinLog kehte hain ke Saaghar ko Khuda yaad nahi
