میں تلخیٔ حیات سے گھبرا کے پی گیاغم کی سیاہ رات سے گھبرا کے پی گیا
اتنی دقیق شے کوئی کیسے سمجھ سکےیزداں کے واقعات سے گھبرا کے پی گیا
چھلکے ہوئے تھے جام پریشاں تھی زلف یارکچھ ایسے حادثات سے گھبرا کے پی گیا
میں آدمی ہوں کوئی فرشتہ نہیں حضورمیں آج اپنی ذات سے گھبرا کے پی گیا
دنیائے حادثات ہے اک دردناک گیتدنیائے حادثات سے گھبرا کے پی گیا
کانٹے تو خیر کانٹے ہیں اس کا گلہ ہی کیاپھولوں کی واردات سے گھبرا کے پی گیا
ساغرؔ وہ کہہ رہے تھے کہ پی لیجیے حضوران کی گزارشات سے گھبرا کے پی گیا
— ساغرصدیقی
Main talkhi-e-hayaat se ghabra ke pi gayaGham ki siyah raat se ghabra ke pi gaya
Itni daqeeq shai koi kaise samajh sakeYazdaan ke waqiaat se ghabra ke pi gaya
Chhalke hue the jaam pareshan thi zulf-e-yaarKuch aise hadisaat se ghabra ke pi gaya
Main aadmi hoon koi farishta nahin huzoorMain aaj apni zaat se ghabra ke pi gaya
Duniya-e-hadisaat hai ek dard-naak geetDuniya-e-hadisaat se ghabra ke pi gaya
Kaante to khair kaante hi hain uska gila hi kyaPhoolon ki waaridaat se ghabra ke pi gaya
Saaghar woh keh rahe the ke pi lijiye huzoorUnki guzarishaat se ghabra ke pi gaya
