گزر گئی ہے ابھی ساعت گزشتہ بھینظر اٹھا کہ گزر جائے گا یہ لمحہ بھی
بہت قریب سے ہو کر گزر گئی دنیابہت قریب سے دیکھا ہے یہ تماشا بھی
گزر رہے ہیں جو بار نظر اٹھائے ہوئےیہ لوگ محو تماشا بھی ہیں تماشا بھی
وہ دن بھی تھے کہ تری خواب گیں نگاہوں سےپکارتی تھی مجھے زندگی بھی دنیا بھی
جو بے ثباتئ عالم پہ بحث تھی سر بزممیں چپ رہا کہ مجھے یاد تھا وہ چہرا بھی
کبھی تو چاند بھی اترے گا دل کے آنگن میںکبھی تو موج میں آئے گا یہ کنارا بھی
نکال دل سے گئے موسموں کی یاد اجملؔتری تلاش میں امروز بھی ہے فردا بھی
— اجمل سراج
Guzar gayi hai abhi sa'at-e-guzishta bhiNazar utha ke guzar jaaye ga yeh lamha bhi
Bahut qareeb se ho kar guzar gayi duniyaBahut qareeb se dekha hai yeh tamaasha bhi
Guzar rahe hain jo baar-e-nazar uthaaye hueYeh log mahv-e-tamaasha bhi hain tamaasha bhi
Woh din bhi the ke teri khwaab-geen nigaahon sePukaarti thi mujhe zindagi bhi duniya bhi
Jo be-sabaati-e-aalam pe bahs thi sar-e-bazmMain chup raha ke mujhe yaad tha woh chehra bhi
Kabhi to chaand bhi utre ga dil ke aangan meinKabhi to mauj mein aaye ga yeh kinaara bhi
Nikaal dil se gaye mausamon ki yaad AjmalTeri talaash mein imroz bhi hai farda bhi