7 اشعار

چھڈ کے باجھ قصور گیا اے

Chhaṛ ke baajh qasoor gaya ae

عاقب ستیانوی
چھڈ کے باجھ قصور گیا اے

«چھڈ کے باجھ قصور گیا اے» عاقب ستیانوی کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 38 سیکنڈ ہے۔

چھڈ کے باجھ قصور گیا اےشک نئیں ہو مغرور گیا اے

روگ ہجر دا اوہو جانےجہندی اکھ دا نور گیا اے

یار بنا کے دھوکھا کرناجگ دا بَݨ دستور گیا اے

کون اِہ وسدے ویہڑے دے وچسیہہ دا کنڈا پور گیا اے

مڑ اج اوہدے بوہے توڑیلئے کے دل مجبور گیا اے

رُتاں انج دا روپ وٹایاڈھہہ بیریں توں بُور گیا اے

عاقبٓ حق دا نعرہ لا کےسولی چڑ منصور گیا اے

— عاقب ستیانوی