اس طرف آگ کا دریا ہے ادھر کھائی ہےہم نے بھی پار اترنے کی قسم کھائی ہے
اپنے کمرے سے نکل کر ذرا دیکھو تو سہیدھوپ دیوار سے آنگن میں اتر آئی ہے
جن چراغوں کا ترے نام سے رشتہ ہی نہیںان چراغوں کی زمانے میں پذیرائی ہے
رات کی شاخ سے لٹکے ہیں ستاروں کے چراغگھر کی دہلیز پہ بیٹھی ہوئی تنہائی ہے
ایسا موسم ہے کہ بے برگ و ثمر ہیں اشجارکیوں ہوا شور مچانے کو چلی آئی ہے
دھوپ کے شہر میں بادل کو ترسنے والوآج بارش نہیں ہوگی یہ خبر آئی ہے
جس پہ دیوار کے اس پار کا منظر نہ کھلےایسی بینائی بھی کس کام کی بینائی ہے
اپنے اندر کا یہ عالم بھی عجب عالم ہےبھیڑ کی بھیڑ ہے تنہائی کی تنہائی ہے
مجھ پہ الزام ہے آہستہ خرامی کا متینؔتیز چلتا ہوں تو احباب کی رسوائی ہے
— غیاث متین
Is taraf aag ka darya hai idhar khaai haiHum ne bhi paar utarne ki qasam khaai hai
Apne kamre se nikal kar zara dekho to sahiDhoop deewar se aangan mein utar aayi hai
Jin chiraaghon ka tere naam se rishta hi nahinIn chiraaghon ki zamane mein pazeeraai hai
Raat ki shaakh se latke hain sitaron ke chiraaghGhar ki dehleez pe baithhi huee tanhai hai
Aisa mausam hai ke be-barg-o-samar hain ashjaarKyun hawa shor machane ko chali aayi hai
Dhoop ke shahr mein baadal ko tarasne waaloAaj baarish nahin hogi yeh khabar aayi hai
Jis pe deewar ke is paar ka manzar na khuleAisi beenaai bhi kis kaam ki beenaai hai
Apne andar ka yeh aalam bhi ajab aalam haiBheed ki bheed hai tanhai ki tanhai hai
Mujh pe ilzaam hai aahista-khuraami ka MateenTez chalta hoon to ahbaab ki ruswaai hai
فرہنگ
تشریح
اس غزل میں شاعر مشکل حالات اور داخلی تنہائی کو نہایت خوبصورت استعاروں میں بیان کرتا ہے۔ ابتدائی شعر میں آگ کا دریا اور کھائی کی تمثیل سے مشکلات کے بیچ پار اترنے کے عزم کا اظہار ہے۔ لہجہ پُرامید اور باہمت ہے، مگر کئی اشعار میں دنیا کی بے حسی اور تنہائی کا احساس بھی نمایاں ہے۔ مقطع میں شاعر اپنی آہستہ خرامی پر الزام کا ذکر کرتا ہے، جس سے اس کے مزاج کی سنجیدگی جھلکتی ہے۔