لہجے کو پھول لفظ کو جگنو اگر کریںوقت رواں کے ساتھ معانی سفر کریں
اندر کی بارشوں نے جو منظر دکھائے ہیںباہر کی دھوپ چھاؤں کو اس کی خبر کریں
موسم پرندے دھوپ کی دیوار شب چراغقصہ طویل ہونے لگا مختصر کریں
اب نیند سی ہے نیند نہ اب خواب سا ہے خوابسڑکوں پہ جاگ جاگ کے عمریں بسر کریں
منظر کو درمیان سے اپنے ہٹا کے دیکھممکن ہے پھر متینؔ کی باتیں اثر کریں
— غیاث متین
Lehje ko phool lafz ko jugnoo agar kareinWaqt-e-rawaan ke saath maani safar karein
Andar ki baarishon ne jo manzar dikhaaye hainBaahar ki dhoop chhaon ko is ki khabar karein
Mausam parinde dhoop ki deewaar shab charaaghQissa taweel hone laga mukhtasar karein
Ab neend si hai neend na ab khwaab sa hai khwaabSadkon pe jaag jaag ke umrein basar karein
Manzar ko darmiyaan se apne hata ke dekhMumkin hai phir Mateen ki baatein asar karein
فرہنگ
تشریح
اس غزل میں شاعر لفظ اور لہجے کی تخلیقی قوت کو موضوع بناتا ہے، یعنی یہ کہ اگر لہجے میں پھول کی نرمی اور لفظ میں جگنو کی چمک پیدا ہو جائے تو معنی وقت کے ساتھ سفر کرتے ہیں۔ دوسرے شعر میں اندر کی بارشوں سے پیدا ہونے والے مناظر کا ذکر ہے جو باہر کی دھوپ چھاؤں کو بھی اپنی خبر دیتے ہیں۔ آخری شعر میں شاعر قاری سے کہتا ہے کہ منظر کو درمیان سے ہٹا کر دیکھے، تو شاید متین کی باتیں اثر کریں۔ مجموعی لہجہ غور و فکر اور داخلی مشاہدے کا ہے، اور کئی اشعار کا مفہوم استعاراتی ہونے کی وجہ سے قاری پر کھلا چھوڑا گیا ہے۔