نظم 8 اشعار

صدی کا غم

Sadi Ka Gham

وہ بدبو دار زہریلا دھواں ہےجس سے بنتی اور بگڑتی ہیں

کئی شکلیںادھوری نامکمل

جو ہم سے کہہ رہی ہیںیہ ہمارے ہاتھ تھے

یہ پاؤںیہ چہرے

مگر اب ہم دھواں ہیںہو سکے تو پھر

اسے تم جسم و جاں دے دواگر اتنا نہ ہو پائے

تو تم بھی چیخ بن جاؤدھواں بن کر بکھر جاؤ

ہمارے ساتھ مل جاؤ

— غیاث متین

فرہنگ

زہریلا دھواں — زہر آلود اور گھٹن پیدا کرنے والا دھواں
ادھوری نامکمل — جو پورے طور پر وجود میں نہ آئی ہو
جسم و جاں — جسم اور روح، مکمل زندگی

تشریح

اس نظم میں شاعر ایک ایسے دھوئیں کا تذکرہ کرتا ہے جس میں انسانی شکلیں بنتی اور بگڑتی ہیں، جو ادھوری اور نامکمل ہیں۔ یہ شکلیں گویا اپنے ماضی کے ہاتھ، پاؤں اور چہروں کی یاد دلاتی ہیں مگر اب وہ محض دھواں بن چکی ہیں۔

نظم کا لہجہ درد، بے بسی اور پکار کا ہے۔ آخر میں شاعر مخاطب سے کہتا ہے کہ اگر ممکن ہو تو ان بکھری شکلوں کو جسم و جاں دے دو، ورنہ کم از کم ان کی چیخ بن جاؤ اور ان کے ساتھ شامل ہو جاؤ۔ یوں نظم ظلم اور تباہی کے خلاف احتجاج کی صورت اختیار کرتی ہے۔