کوئی سوال خدا و صنم نہیں اے دوستمیں کیا کروں مری گردن میں خم نہیں اے دوست
ہمیں یہی ہے مناسب کہ ایک سو ہو لیںجگہ میان وجود و عدم نہیں اے دوست
خوشامدوں سے نکلتا نہیں ہے کام یہاںمعاملہ ہے خدا سے صنم نہیں اے دوست
اگرچہ سرد اندھیرے ہیں باعث تکلیفمگر یہ گرم اجالے بھی کم نہیں اے دوست
عجب مزاج ہے ان مے کدہ نشینوں کاکہ قدر جام تو ہے قدر جم نہیں اے دوست
کھلا ہے اور کھلے گا جمیلؔ سب کے لیےیہ مے کدہ ہے کنشت و حرم نہیں اے دوست
— جمیل مظہری
Koi sawal khuda-o-sanam nahin ae dostMain kya karoon meri gardan mein kham nahin ae dost
Humein yahi hai munasib ke ek soo ho leinJagah miyan-e-wujood-o-adam nahin ae dost
Khushamdon se nikalta nahin hai kaam yahanMuamla hai khuda se sanam nahin ae dost
Agarcha sard andhere hain baais-e-takleefMagar yeh garm ujale bhi kam nahin ae dost
Ajab mizaj hai un maikadah-naseenon kaKe qadr-e-jam to hai qadr-e-jam nahin ae dost
Khula hai aur khule ga Jameel sab ke liyeYeh maikadah hai kanisht-o-haram nahin ae dost
فرہنگ
تشریح
اس غزل میں شاعر دوست سے مخاطب ہو کر خدا، بت، زندگی اور موت کے مسائل پر غور کرتا ہے۔ وہ کہتا ہے کہ یہاں کام خوشامد سے نہیں بنتا بلکہ معاملہ خدا سے ہے، اور زندگی کے سرد اندھیرے تکلیف دیتے ہیں مگر روشنی کے گرم اجالے بھی کم نہیں۔ لہجہ سوال اٹھانے اور پھر امید دلانے کا ہے۔ آخری شعر میں شاعر کہتا ہے کہ یہ مے کدہ کعبہ و کلیسا نہیں بلکہ سب کے لیے کھلا ہے، یعنی اس میں مذہبی تفریق کی گنجائش نہیں۔