مری بندگی تجھے دے سکے گی بجائے معنی و لفظ کیاہے مرے شعور کی جھولیوں میں سوائے معنی و لفظ کیا
جو نظر کا بوجھ نہ سہہ سکیں وہ زباں کا بوجھ سہیں گی کیاسبک و لطیف اشارتوں پہ جفائے معنی و لفظ کیا
مجھے ڈر ہے اے سخن آفریں یہ لباس ان پہ گراں نہ ہوجو حقیقتیں نہ پہن سکیں وہ قبائے معنی و لفظ کیا
نہ وہ شمس میں نہ قمر میں ہے وہ حجاب فکر و نظر میں ہےجو حجاب فکر و نظر اٹھا تو غذائے معنی و لفظ کیا
مری روح اگرچہ ہے گرسنہ مرا شوق اگرچہ ہے جاں بلبمگر اے جمیلؔ غزل سرا یہ ردائے معنی و لفظ کیا
— جمیل مظہری
Meri bandagi tujhe de sake gi bajaye maani-o-lafz kyaHai mere shaoor ki jholiyon mein siwaye maani-o-lafz kya
Jo nazar ka bojh na seh sakein woh zaban ka bojh saheingi kyaSabuk-o-lateef isharaton pe jafa-e-maani-o-lafz kya
Mujhe dar hai ae sukhan-aafreen yeh libas un pe giran na hoJo haqeeqatein na pehan sakein woh qaba-e-maani-o-lafz kya
Na woh shams mein na qamar mein hai woh hijab-e-fikr-o-nazar mein haiJo hijab-e-fikr-o-nazar utha to ghiza-e-maani-o-lafz kya
Meri rooh agarcha hai gurasna mera shauq agarcha hai jaan-ba-labMagar ae Jameel ghazal-sara yeh rada-e-maani-o-lafz kya
فرہنگ
تشریح
اس غزل میں شاعر یہ سوال اٹھاتا ہے کہ معنی اور لفظ انسانی بندگی اور باطنی تجربے کو پوری طرح بیان کرنے کے قابل ہیں یا نہیں۔ اس کا لہجہ فلسفیانہ اور سوالیہ ہے، جس میں الفاظ کی محدودیت کا احساس نمایاں ہے۔
مثلاً شاعر کہتا ہے کہ جو حقیقتیں لباس میں نہ سما سکیں، ان کے لیے معنی اور لفظ کی قبا کیا کام آئے گی۔ آخری شعر میں وہ کہتا ہے کہ اگرچہ روح پیاسی اور شوق بے تاب ہے، پھر بھی غزل کا یہ ردا معنی و لفظ سے آگے کی بات کا اظہار نہیں کر پاتا۔