یہ کس نے میرے خیال باندھے؟ کمال باندھے!جھکی نگاہیں تو بال باندھے، کمال باندھے !
یہ کون سانسوں میں گُھل رہا ہے گلاب جیسے؟یہ کون خوشبو کے جال باندھے؟ کمال باندھے !
یہ کون خوں سا رواں دواں ہے رگوں میں میری؟یہ کس نے ماضی و حال باندھے، کمال باندھے!
یہ کس کے ہوتے وجودِ ہستی یوں تیرتا ہے؟یہ کون دریا کی چال باندھے؟ کمال باندھے!
یہ کس کے دم سے جُنوں کا پہرہ دلیل پر ہے؟یہ کون سارے سوال باندھے؟ کمال باندھے!
یہ کس نے بےخوف یوں کیا ہے اجل سے مجھ کو؟یہ کون رستے میں ڈھال باندھے؟ کمال باندھے!
یہ کس سے ہو کے جدا میں روتا ہوں یوں ازل سے؟کہ مجھ کو رکھے ملال باندھے، کمال باندھے!
میں جانتا ہوں کہ کس کے کارن میں تڑپوں ہر دم!کہ دل کی دھڑکن دھمال باندھے، کمال باندھے!
— راشد ڈوگر
Yeh kis ne mere khayal baandhe? Kamaal baandhe!Jhuki nigaahen to baal baandhe, kamaal baandhe!
Yeh kaun saanson mein ghul raha hai gulaab jaise?Yeh kaun khushboo ke jaal baandhe? Kamaal baandhe!
Yeh kaun khoon sa rawaan dawaan hai ragon mein meri?Yeh kis ne maazi-o-haal baandhe, kamaal baandhe!
Yeh kis ke hote wajood-e-hasti yoon tairta hai?Yeh kaun darya ki chaal baandhe? Kamaal baandhe!
Yeh kis ke dam se junoon ka pehra daleel par hai?Yeh kaun saare sawaal baandhe? Kamaal baandhe!
Yeh kis ne be-khauf yoon kiya hai ajal se mujh ko?Yeh kaun raste mein dhaal baandhe? Kamaal baandhe!
Yeh kis se ho ke juda main rota hoon yoon azal se?Ke mujh ko rakhe malaal baandhe, kamaal baandhe!
Main jaanta hoon ke kis ke kaaran main tadpoon har dam!Ke dil ki dhadkan dhamaal baandhe, kamaal baandhe!