اس طرح یاد آنے سے کیا فائدہمفت احساں جتانے سے کیا فائدہ
جس جگہ دل ہی جھکتا نہیں آپ کااس جگہ سر جھکانے سے کیا فائدہ
ختم کچھ دم میں ہو جائے گی روشنیشمع کی لو بڑھانے سے کیا فائدہ
اپنے دشمن سے واقف تو ہیں ہم مگرنام اس کا بتانے سے کیا فائدہ
کھل کے ہنسئے تباہی پہ میری حضورزیر لب مسکرانے سے کیا فائدہ
اپنے دل سے میں کرتا ہوں اکثر سوالان کی محفل میں جانے سے کیا فائدہ
اور ابھریں گے نقش قدم آپ کےمیری تربت مٹانے سے کیا فائدہ
نیچی نظریں اٹھاتے تو اک بات تھیجام آگے بڑھانے سے کیا فائدہ
جن کو آتا تھا وہ تو نہ آئے سعیدؔموسم گل کے آنے سے کیا فائدہ
— سعید شہیدی
Is tarah yaad aane se kya faedaMuft ehsan jatane se kya faeda
Jis jagah dil hi jhukta nahin aap kaUs jagah sar jhukane se kya faeda
Khatm kuchh dam mein ho jaegi raushniShama ki lau badhane se kya faeda
Apne dushman se waqif to hain hum magarNam us ka batane se kya faeda
Khul ke hansiye tabahi pe meri huzurZer-e-lab muskurane se kya faeda
Apne dil se main karta hun aksar sawalUn ki mahfil mein jaane se kya faeda
Aur ubhrenge naqsh-e-qadam aap keMeri turbat mitane se kya faeda
Nichi nazren uthate to ek baat thiJam aage badhane se kya faeda
Jin ko aata tha wo to na aae 'said'Mausam-e-gul ke aane se kya faeda
فرہنگ
تشریح
اس غزل میں شاعر محبوب کی بے رخی اور بے نیازی پر شکوہ کرتا ہے۔ وہ کہتا ہے کہ جب محبوب کا دل جھکتا ہی نہیں تو وہاں سر جھکانے کا کوئی فائدہ نہیں، اور جو دل سے ہنستا نہیں اس کا زیر لب مسکرانا بے معنی ہے۔ لہجہ طنزیہ اور دردمندانہ ہے، اور شاعر خود سے سوال کرتا ہے کہ ان کی محفل میں جانے کا کیا فائدہ۔ آخری شعر میں وہ کہتا ہے کہ جن کو آنا تھا وہ نہ آئے تو موسم گل کے آنے کا کیا حاصل۔