دیوانگی سے کام لیا ہے کبھی کبھیدامن کسی کا تھام لیا ہے کبھی کبھی
کرتا رہا کسی کو بھلانے کی کوششیںیوں دل سے انتقام لیا ہے کبھی کبھی
حد سے سوا جو بڑھنے لگیں بے قراریاںایسے میں ان کا نام لیا ہے کبھی کبھی
نظریں ملی ہوئی تھیں تبسم لبوں پہ تھاساقی سے یوں بھی جام لیا ہے کبھی کبھی
خود رو دیا کسی کو ہنسانے کے واسطےمجبوریوں سے کام لیا ہے کبھی کبھی
شاید مری وفا اسے یاد آئی میرے بعداس نے بھی میرا نام لیا ہے کبھی کبھی
خود آگ دے کے اپنے نشیمن کو آپ ہیبجلی سے انتقام لیا ہے کبھی کبھی
کام آ گئیں سعیدؔ کی مستانہ لغزشیںاس کو کسی نے تھام لیا ہے کبھی کبھی
— سعید شہیدی
Diwangi se kaam liya hai kabhi kabhiDaman kisi ka tham liya hai kabhi kabhi
Karta raha kisi ko bhulane ki koshishenYun dil se intiqam liya hai kabhi kabhi
Had se siwa jo badhne lagin be-qarariyanAise mein un ka nam liya hai kabhi kabhi
Nazren mili hui thin tabassum labon pe thaSaqi se yun bhi jam liya hai kabhi kabhi
Khud ro diya kisi ko hansane ke wasteMajburiyon se kaam liya hai kabhi kabhi
Shayad meri wafa use yaad aai mere baadUs ne bhi mera nam liya hai kabhi kabhi
Khud aag de ke apne nasheman ko aap hiBijli se intiqam liya hai kabhi kabhi
Kaam aa gain 'said' ki mastana laghzishenUs ko kisi ne tham liya hai kabhi kabhi
فرہنگ
تشریح
اس غزل میں شاعر نے محبت کے ہاتھوں پیدا ہونے والی بے قراری اور دیوانگی کو نرم اور دھیمے لہجے میں بیان کیا ہے۔ وہ کبھی کسی کا دامن تھامتا ہے، کبھی دل سے انتقام لیتا ہے یعنی محبوب کو بھلانے کی کوشش کرتا ہے، اور بے قراری حد سے بڑھے تو محبوب کا نام لے لیتا ہے۔ مقطع میں سعیدؔ کی مستانہ لغزشوں کا کام آنا اور کسی کا اسے تھامنا، اس بات کا اظہار ہے کہ محبت کی بے خودی میں کی گئی غلطیاں بھی کبھی کام آ جاتی ہیں۔