اتنا ہی سہارا دل ناکام بہت ہےاب ان کا تصور ہی سر شام بہت ہے
اب کوئی ضرورت ہے دوا کی نہ دعا کیجس حال میں ہوں میں مجھے آرام بہت ہے
گریہ سے ہے آغاز عمل بزم جہاں میںانسان کو اندیشۂ انجام بہت ہے
کم ظرف ہیں کرتے ہیں جو پینے سے تکلفساقی مجھے یہ درد تہ جام بہت ہے
ابھری نہیں دل میں کبھی امید کرم بھیتیرا یہ کرم گردش ایام بہت ہے
میں نام نہ لوں گا کبھی فریاد و فغاں کاجیتا ہوں محبت میں یہی کام بہت ہے
ہم جاتے ہیں پیاسے ترے مے خانہ سے ساقیسنتے تو یہ تھے تیرا کرم عام بہت ہے
احباب کریں اب نہ سعیدؔ اس میں اضافہدشمن سے جو ملتا ہے وہ انعام بہت ہے
— سعید شہیدی
Itna hi sahaara dil-e-nakaam bahut haiAb un ka tasawwur hi sar-e-sham bahut hai
Ab koi zarurat hai dawa ki na dua kiJis haal mein hun main mujhe aaram bahut hai
Girya se hai aaghaz-e-amal bazm-e-jahan meinInsan ko andesha-e-anjam bahut hai
Kam-zarf hain karte hain jo pine se takallufSaqi mujhe ye durd-e-tah-e-jam bahut hai
Ubhri nahin dil mein kabhi ummid-e-karam bhiTera ye karam gardish-e-ayyam bahut hai
Main nam na lunga kabhi fariyaad-o-fughan kaJita hun mohabbat mein yahi kaam bahut hai
Hum jate hain pyase tere mai-khane se saqiSunte to ye the tera karam aam bahut hai
Ahbab karen ab na 'said' is mein izafaDushman se jo milta hai wo inam bahut hai
فرہنگ
تشریح
اس غزل میں دل ناکام کے سہارے کے طور پر محبوب کے تصور کو کافی سمجھا گیا ہے اور شاعر محبت کے دکھ کو صبر و شکر کے لہجے میں بیان کرتا ہے۔ شاعر کہتا ہے کہ اب دوا اور دعا کی ضرورت نہیں، جس حال میں ہوں وہی آرام ہے۔ مقطع میں دشمن سے ملنے والے انعام کو بہت سمجھنا طنز و شکایت کا انداز لیے ہوئے ہے۔ کئی اشعار میں ساقی اور مے خانے کا ذکر ہے، جس سے روایتی غزلیہ فضا نمایاں ہوتی ہے۔