تجھے اظہار محبت سے اگر نفرت ہےتو نے ہونٹوں کو لرزنے سے تو روکا ہوتا
بے نیازی سے مگر کانپتی آواز کے ساتھتو نے گھبرا کے مرا نام نہ پوچھا ہوتا
تیرے بس میں تھی اگر مشعل جذبات کی لوتیرے رخسار میں گلزار نہ بھڑکا ہوتا
یوں تو مجھ سے ہوئیں صرف آب و ہوا کی باتیںاپنے ٹوٹے ہوئے فقروں کو تو پرکھا ہوتا
یوں ہی بے وجہ ٹھٹکنے کی ضرورت کیا تھیدم رخصت میں اگر یاد نہ آیا ہوتا
تیرا غماز بنا خود ترا انداز خرامدل نہ سنبھلا تھا تو قدموں کو سنبھالا ہوتا
اپنے بدلے مری تصویر نظر آ جاتیتو نے اس وقت اگر آئنہ دیکھا ہوتا
حوصلہ تجھ کو نہ تھا مجھ سے جدا ہونے کاورنہ کاجل تری آنکھوں میں نہ پھیلا ہوتا
— احمد ندیم قاسمی
Tujhe izhaar-e-mohabbat se agar nafrat haiTu ne honton ko larazne se to roka hota
Be-niyazi se magar kaanpti aawaaz ke saathTu ne ghabra ke mira naam na poocha hota
Tere bas mein thi agar mash'al-e-jazbaat ki lauTere rukhsar mein gulzar na bhadka hota
Yun to mujh se hui'n sirf aab-o-hawa ki baateinApne toote hue fiqron ko to parkha hota
Yun hi be-wajah thithakne ki zaroorat kya thiDam-e-rukhsat mein agar yaad na aaya hota
Tera ghammaz bana khud tera andaaz-e-khiraamDil na sambhala tha to qadmon ko sambhala hota
Apne badle miri tasveer nazar aa jaatiTu ne us waqt agar aaina dekha hota
Hausla tujh ko na tha mujh se juda hone kaWarna kajal tiri aankhon mein na phaila hota
