مائل ضبط بھی آمادۂ فریاد بھی ہے – عرش ملسیانی

مائل ضبط بھی آمادۂ فریاد بھی ہےدل گرفتار محبت بھی ہے آزاد بھی ہے

داستان دل مایوس نہ پوچھ اے ہمدمیہ وہ بستی ہے جو آباد بھی برباد بھی ہے

اے مرے ضبط کو کامل نہ سمجھنے والےقابل داد مری کوشش فریاد بھی ہے

اڑ کے جاؤں بھی تو کیا اور نہ جاؤں بھی تو کیامنتظر برق بھی ہے تاک میں صیاد بھی ہے

کیا لکھوں کیا نہ لکھوں سرخی افسانۂ دلغم بھی ہے درد بھی حسرت بھی ہے فریاد بھی ہے

دل دیوانہ کی تو ہستیٔ ہشیار نہ پوچھیہ گرفتار قفس طائر آزاد بھی ہے

میری تسکین تو کر بھول کے اتنا تو بتایاد رکھنے کا جو وعدہ تھا تجھے یاد بھی ہے

اک روشؔ دل کی ہو اے عرشؔ تو کچھ بات بھی ہوکیا مصیبت ہے کہ یہ شاد بھی ناشاد بھی ہے

— عرش ملسیانی