نہ فرات و دجلہ پہ ناز کر نہ فریب گنگ و جمن میں آ – عرش ملسیانی

نہ فرات و دجلہ پہ ناز کر نہ فریب گنگ و جمن میں آیہ جہان سب ہے ترا وطن تو کدھر ہے اپنے وطن میں آ

تو ہے رنگ نرگس و نسترن ہے تجھی سے رونق انجمنترے منتظر ہیں گل و سمن تو بہار بن کے چمن میں آ

تجھے لاکھ لوگ حسیں کہیں تجھ لاکھ در‌ ثمیں کہیںتری قدر ہوگی فقط یہیں تو حریم دل کے عدن میں آ

جو خیال خلد میں ہو مگن مے و انگبیں میں ہو جس کا منجو وطن میں رہ کے ہو بے وطن اسے کیا کہوں کہ وطن میں آ

یہ بہار باغ یہ محفلیں تری خلوتوں پہ نثار ہوںتجھے کام غنچہ و گل سے کیا تو چمن کو چھوڑ کے بن میں آ

رہ و رسم عشق پہ رکھ نظر ہو جہان نو کا پیامبرنہ تو عہد رفتہ کو یاد کر نہ فریب چرخ کہن میں آ

یہ کھلا نہ ہم پہ کہ تو کہاں مے شعر پی کے نکل گیاتجھے یاد کرتے ہیں عرشؔ سب کبھی پھر بھی بزم سخن میں آ

— عرش ملسیانی

کس نے پڑھا

یہ کلام محفلوں میں