دل ہوتا ہے تسکین کے عالم میں حزیں اور – عرش ملسیانی

دل ہوتا ہے تسکین کے عالم میں حزیں اورلے چل مجھے اے شوق سبک گام کہیں اور

ہاں اور اٹھا پردے کو اے پردہ نشیں اورمجھ سا نہیں کوئی ترے جلووں کا امیں اور

جتنی وہ مرے حال پہ کرتے ہیں جفائیںآتا ہے مجھے ان کی محبت کا یقیں اور

مے خانہ کی ہے شان اسی شور طلب سےہاں اور نہیں پر ہے تقاضا کہ نہیں اور

ہے حاصل صد زیست جوانی کا یہ عالماے عمر گریزاں مجھے رہنے دے یہیں اور

مجھ سا جو نہیں اور کوئی چاہنے والاتجھ سا بھی زمانے میں نہیں کوئی حسیں اور

کافی نہیں مجھ کو یہ نگاہ غلط اندازہاں اور بڑھا حوصلۂ‌‌ قلب حزیں اور

تکرار کا اے شیخ یہی تو ہے نتیجہتم نے جو کہیں اور تو ہم سے بھی سنیں اور

ہم مرتبۂ‌ عرشؔ کوئی ان میں نہ ہوگاہوں گے در جاناں کے بہت خاک نشیں اور

— عرش ملسیانی