تم یاد مجھے آ جاتے ہوجب صحن چمن میں کلیاں کھل کر پھول کی صورت ہوتی ہیں
اور اپنی مہک سے ہر دل میں اک تخم لطافت بوتی ہیںتم یاد مجھے آ جاتے ہو
تم یاد مجھے آ جاتے ہوجب برکھا کی رت آتی ہے جب کالی گھٹائیں اٹھتی ہیں
جس وقت کہ رندوں کے دل سے ہو حق کی صدائیں اٹھتی ہیںتم یاد مجھے آ جاتے ہو
تم یاد مجھے آ جاتے ہوجب مینہ کی پھواریں پڑتی ہیں جب ٹھنڈی ہوائیں آتی ہیں
جب صحن چمن سے گھبرا کر پی پی کی صدائیں آتی ہیںتم یاد مجھے آ جاتے ہو
تم یاد مجھے آ جاتے ہوجب چودھویں شب کا چاند نکل کر دہر منور کرتا ہے
جب کوئی محبت کا مارا کچھ ٹھنڈی سانسیں بھرتا ہےتم یاد مجھے آ جاتے ہو
تم یاد مجھے آ جاتے ہوجب رات کی ظلمت گھٹتی ہے جب صبح کا نور ابھرتا ہے
جب کوئل کوکو کرتی ہے جب پنچھی پی پی کرتا ہےتم یاد مجھے آ جاتے ہو
تم یاد مجھے آ جاتے ہوجب کوئی کسی کا ہاتھ پکڑ کر سیر کو باہر جاتا ہے
جب کوئی نگاہ شوق کے آگے رہ رہ کر گھبراتا ہےتم یاد مجھے آ جاتے ہو
تم یاد مجھے آ جاتے ہوجب چار نگاہیں کر کے کوئی محو تبسم ہوتا ہے
جب کوئی محبت کا مارا اس کیف میں پڑ کر کھوتا ہےتم یاد مجھے آ جاتے ہو
تم یاد مجھے آ جاتے ہوافلاک پہ جب یہ لاکھوں تارے جگ مگ جگ مگ کرتی ہیں
جب تارے گن گن کر دل والے ٹھنڈی سانسیں بھرتے ہیںتم یاد مجھے آ جاتے ہو
تم یاد مجھے آ جاتے ہوجب رات کا بڑھتا ہے سناٹا چین سے دنیا سوتی ہے
تب آنکھ مری کھل جاتی ہے اور دل کی رگ رگ روتی ہےتم یاد مجھے آ جاتے ہو
تم یاد مجھے آ جاتے ہوجب روتا ہے بہزاد حزیںؔ وہ شاعر وہ دیوانہ سا
وہ دل والا وہ سودائی وہ دنیا سے بیگانہ ساتم یاد مجھے آ جاتے ہو
تم یاد مجھے آ جاتے ہو
— بہزاد لکھنوی
Tum yaad mujhe aa jaate hoJab sahn-e-chaman mein kaliyan khil kar phool ki surat hoti hain
Aur apni mehak se har dil mein ik tukhme latafat boti hainTum yaad mujhe aa jaate ho
Tum yaad mujhe aa jaate hoJab barkha ki rut aati hai jab kaali ghataein uthti hain
Jis waqt ke rindon ke dil se ho haq ki sadaein uthti hainTum yaad mujhe aa jaate ho
Tum yaad mujhe aa jaate hoJab meenh ki phuwarein padti hain jab thandi hawaein aati hain
Jab sahn-e-chaman se ghabra kar pee pee ki sadaein aati hainTum yaad mujhe aa jaate ho
Tum yaad mujhe aa jaate hoJab chaudhween shab ka chand nikal kar dahr munawwar karta hai
Jab koi mohabbat ka mara kuch thandi saansein bharta haiTum yaad mujhe aa jaate ho
Tum yaad mujhe aa jaate hoJab raat ki zulmat ghat-ti hai jab subah ka noor ubharta hai
Jab koyal kookoo karti hai jab panchhi pee pee karta haiTum yaad mujhe aa jaate ho
Tum yaad mujhe aa jaate hoJab koi kisi ka haath pakad kar sair ko bahar jata hai
Jab koi nigah-e-shauq ke aage rah rah kar ghabrata haiTum yaad mujhe aa jaate ho
Tum yaad mujhe aa jaate hoJab chaar nigaahein kar kar ke koi mahv-e-tabassum hota hai
Jab koi mohabbat ka mara is kaif mein pad kar khota haiTum yaad mujhe aa jaate ho
Tum yaad mujhe aa jaate hoAflak pe jab ye lakhon taare jagmag jagmag karti hain
Jab taare gin gin kar dil wale thandi saansein bharte hainTum yaad mujhe aa jaate ho
Tum yaad mujhe aa jaate hoJab raat ka badhta hai sannata chain se duniya soti hai
Tab aankh meri khul jaati hai aur dil ki rag rag roti haiTum yaad mujhe aa jaate ho
Tum yaad mujhe aa jaate hoJab rota hai Behzad Hazeenؔ— woh shair woh deewana sa
Woh dil wala woh saudai woh duniya se begana saTum yaad mujhe aa jaate ho
Tum yaad mujhe aa jaate ho
