آنکھ کی پتلی میں سورج سر میں کچھ سودا اگاپانیوں میں سرخ پودے دھوپ میں سایا اگا
آسماں کی بھیڑ میں تو اس لیے سوچا گیااس زمیں کی چھاتیوں سے نور کا چشمہ اگا
نیند میں چلنے کی عادت خواب میں لکھنے کا فنایک جیسی بات ہے تو آتش نغمہ اگا
میں نے اپنی دونوں آنکھوں میں اگائے ہیں پہاڑتیری آنکھوں میں سمندر تھا وہاں صحرا اگا
سبزۂ بیگانہ بن کر جی لیا تو کیا جیاخود کو بو کر اس زمیں سے اک نیا چہرا اگا
دھوپ جیسے قہقہے ہیں ریت جیسی بات ہےتو اگر غواص ہے تو ریت میں دریا اگا
یہ زمیں بوڑھی ہے اس کو پیٹھ سے اپنی اتارآسماں کو جیب میں رکھ لے نئی دنیا کا اگا
ہم تو خود اظہار ہیں اپنے زمانے کا متینؔبجھ گئے آواز کے شعلے نیا لہجہ اگا
— غیاث متین
Aankh ki putli mein suraj sar mein kuch sauda ugaPaaniyon mein surkh paude dhoop mein saaya uga
Aasman ki bheed mein to is liye socha gayaIs zameen ki chhaatiyon se noor ka chashma uga
Neend mein chalne ki aadat khwab mein likhne ka fanEk jaisi baat hai to aatish-e-naghma uga
Main ne apni donon aankhon mein ugaaye hain pahaadTeri aankhon mein samandar tha wahan sahra uga
Sabza-e-begana ban kar jee liya to kya jiaKhud ko bo kar is zameen se ik naya chehra uga
Dhoop jaise qahqahe hain reet jaisi baat haiTu agar ghawwaas hai to reet mein darya uga
Yeh zameen boorhi hai is ko peeth se apni utaarAasman ko jeeb mein rakh le nayi duniya ka uga
Hum to khud izhaar hain apne zamane ka MateenBujh gaye aawaaz ke sholay naya lehja uga
فرہنگ
تشریح
اس غزل میں شاعر نے استعاروں اور نادر تراکیب کے ذریعے تخلیقی عمل کی ایک نئی دنیا آباد کی ہے، جہاں آنکھ میں سورج اُگتا ہے اور ریت میں دریا پھوٹتا ہے۔ مرکزی خیال یہ ہے کہ روایتی اندازِ بیان سے نکل کر نیا چہرہ اور نیا لہجہ پیدا کیا جائے۔ شاعر کا لہجہ پرجوش اور باغیانہ ہے، جو زمین کے بوسیدہ پرانے نظام کو اتار پھینکنے کی دعوت دیتا ہے۔ مقطع میں شاعر خود کو اپنے زمانے کا اظہار قرار دیتا ہے اور کہتا ہے کہ پرانے آواز کے شعلے بجھ گئے تو نیا لہجہ اگنا چاہیے۔