خواب آنکھوں کی گلی چھوڑ کے جانے نکلےہم ادھر نیند کی دیوار گرانے نکلے
دھول رستے کا مقدر ہے تو رستہ کیا ہےبس یہی بات زمانے کو بتانے نکلے
جب پہاڑوں سے ملی داد ہنر کی اپنےداستاں ہم بھی سمندر کو سنانے نکلے
رنگ سے رنگ جدا ہونے کا منظر دیکھاتیرگی اور شفق صرف بہانے نکلے
جب سمندر پہ چلے ہم تو یہ صحرا چپ تھےاب پہاڑی پہ کھڑے ہیں تو بلانے نکلے
آسماں جس کی زمیں ہے وہ پرندہ ہوں میںجانے کیوں لوگ یہاں دام بچھانے نکلے
کوئی چہرہ نہ دے آواز کسی لو سے متینؔشام ہوتے ہی چراغوں کو بجھانے نکلے
— غیاث متین
Khwab aankhon ki gali chhod ke jaane nikleHum idhar neend ki deewar giraane nikle
Dhool raste ka muqaddar hai to rasta kya haiBas yahi baat zamane ko bataane nikle
Jab pahaadon se mili daad hunar ki apneDaastan hum bhi samandar ko sunaane nikle
Rang se rang juda hone ka manzar dekhaTeergi aur shafaq sirf bahane nikle
Jab samandar pe chale hum to yeh sahra chup theAb pahaadi pe khade hain to bulaane nikle
Aasman jis ki zameen hai woh parinda hoon mainJaane kyun log yahan daam bichhane nikle
Koi chehra na de aawaaz kisi lau se MateenShaam hote hi chiraaghon ko bujhaane nikle
فرہنگ
تشریح
اس غزل میں شاعر نے خواب، سفر اور جستجو کے مضامین کو نئے انداز میں باندھا ہے۔ ابتدائی شعر میں خوابوں کا آنکھوں کی گلی چھوڑ کر نکلنا اور نیند کی دیوار گرانے کا ذکر ایک بیدار اور متحرک لہجے کی نشاندہی کرتا ہے۔ مقطع میں شاعر چراغوں کو بجھانے کا ذکر کرتا ہے، جس سے ایک پراسرار اور خاموش فضا ابھرتی ہے۔ مجموعی طور پر کلام میں رستے کی دھول اور منزل کی تلاش جیسے خیالات نمایاں ہیں۔
آسماں جس کی زمیں ہے وہ پرندہ ہوں میں شعر میں شاعر اپنی آزاد فطرت اور بلند پروازی کا اظہار کرتا ہے۔