نہیں یہ میں نہیں ہوںمیں نہیں ہوں
اور اگر یہ میں نہیں ہوںکون ہے وہ
جو مجھے آواز دیتا ہےمری ہی ذات کے اندھے کنویں سے
اور اگر یہ میں نہیں ہوںکون تھا جو اب نہیں مجھ میں
وہ میں ہی تھاجو کل
پانی پہ چلتا تھاہواؤں پر بھی میری حکمرانی تھی
بلندی سی بلندی بھیبہت کم تھی
مری پرواز کے آگےپرندوں کی زباں آتی تھی مجھ کو
گفتگو کرتا تھا میں ان سےمیں کل
آواز کے چہروں کو پڑھتا تھاسمندر چاند سورج اور ستارے بھی
مرے قدموں میں اپنا سر جھکاتے تھےمگر اب میں کہاں ہوں
ہاں وہ تم ہی تھےمگر اب تم کہاں ہو
کوئی اب کیوں کر مجھے ڈھونڈےمیں خود کو کھو چکا ہوں
آسمانوں سے زمیں کا فاصلہ جتنا ہےاتنا فاصلہ
خود میرے اپنے درمیاں کیوں آ گیا ہےوقت دریا کی طرح چلتا رہا
اور یاں کسی نے بھیمجھے روکا نہیں
اس سمت جانے سےجہاں سے مڑ کے دیکھا تھا
تو میں پتھر بنا تھاآج بھی پتھر بنا پھرتا ہوں ہر سو
اس زمیں پرآسماں پر
اور خلاؤں میںسمندر پر
ہواؤں میںمری وحشت نے مجھ کو
ہر جگہ رسوا کیا ہےاب کوئی آب بقا لا دے
کوئی میری خبر لا دےکہاں ہوں میں
کہاں ہو تمیہ اپنے آپ سے پوچھو
یہ اپنے آپ سے پوچھونہیں یہ میں نہیں ہوں
اور اگر یہ میں نہیں ہوںکون ہوں میں
کون تھا وہکون ہے یہ
جو مرے اندر سےرہ رہ کر مجھے
آواز دیتا ہے
— غیاث متین
Nahin yeh main nahin hoonMain nahin hoon
Aur agar yeh main nahin hoonKaun hai woh
Jo mujhe aawaz deta haiMeri hi zaat ke andhe kunwein se
Aur agar yeh main nahin hoonKaun tha jo ab nahin mujh mein
Woh main hi thaJo kal
Pani pe chalta thaHawaon par bhi meri hukmarani thi
Bulandi si bulandi bhiBohat kam thi
Meri parwaz ke aageParindon ki zaban aati thi mujh ko
Guftagu karta tha main un seMain kal
Aawaz ke chehron ko parhta thaSamandar chand sooraj aur sitare bhi
Mere qadmon mein apna sar jhukate theMagar ab main kahan hoon
Haan woh tum hi theMagar ab tum kahan ho
Koi ab kyun kar mujhe dhoondeMain khud ko kho chuka hoon
Aasmanon se zameen ka fasla jitna haiItna fasla
Khud mere apne darmiyan kyun aa gaya haiWaqt darya ki tarah chalta raha
Aur yaan kisi ne bhiMujhe roka nahin
Is samt jane seJahan se mur ke dekha tha
To main patthar bana thaAaj bhi patthar bana phirta hoon har soo
Is zameen parAasman par
Aur khalaon meinSamandar par
Hawaon meinMeri wehshat ne mujh ko
Har jagah ruswa kiya haiAb koi aab-e-baqa la de
Koi meri khabar la deKahan hoon main
Kahan ho tumYeh apne aap se poochho
Yeh apne aap se poochhoNahin yeh main nahin hoon
Aur agar yeh main nahin hoonKaun hoon main
Kaun tha wohKaun hai yeh
Jo mere andar seRah rah kar mujhe
Aawaz deta hai
فرہنگ
تشریح
اس نظم میں شاعر اپنی ہی ذات سے سوال کرتا ہے کہ وہ کون ہے جو اندر سے اسے پکارتا ہے، اور کیا وہ خود ہی ہے یا کوئی اور۔ ماضی کی شان و شوکت، جب پانی پر چلنا اور پرندوں کی زبان سمجھنا ممکن تھا، اور حال کی کھوئی ہوئی پہچان کا موازنہ کیا گیا ہے۔ لہجہ حیرت، کرب اور خود شناسی کی تلاش کا ہے۔ آخر میں یہ سوال کہ کہاں ہوں میں اور کہاں ہو تم، قاری کو بھی اپنی ذات کے بارے میں سوچنے پر مجبور کرتا ہے۔