کیوں کسی کو ڈھونڈتے ہو ہاتھ میں لے کر چراغاب کہاں وہ گاؤں ہوتے تھے جہاں گھر گھر چراغ
دیکھنا اس کو اگر ہے ان چراغوں کو بجھاؤکیسے دیکھو گے اسے تم سامنے رکھ کر چراغ
میں نے چپکے سے کہی اب بات اس کے کان میںاس نے اپنے ہاتھ سے گل کر دیا ہنس کر چراغ
اب جو لوٹا ہوں تو سب حیرت سے تکتے ہیں مجھےجام و مینا گنبد و محراب بام و در چراغ
آج تو ان کی نظر کے واسطے سو رنگ ہیںکل پرندوں کے لئے ہوتے تھے بال و پر چراغ
شب تو اندھی ہے رہے گی عمر بھر اندھی متینؔیا جلو تم شام سے یا پھر جلیں دن بھر چراغ
— غیاث متین
Kyun kisi ko dhoondhte ho haath mein le kar chiraaghAb kahan woh gaon hote the jahan ghar ghar chiraagh
Dekhna is ko agar hai in chiraaghon ko bujhaaoKaise dekho ge ise tum saamne rakh kar chiraagh
Main ne chipke se kahi ab baat us ke kaan meinUs ne apne haath se gul kar diya hans kar chiraagh
Ab jo lauta hoon to sab hairat se takte hain mujheJaam-o-meena gunbad-o-mehraab baam-o-dar chiraagh
Aaj to in ki nazar ke waaste sau rang hainKal parindon ke liye hote the baal-o-par chiraagh
Shab to andhi hai rahe gi umr bhar andhi MateenYa jalo tum shaam se ya phir jalen din bhar chiraagh
فرہنگ
تشریح
اس غزل میں شاعر نے چراغ کو استعارے کے طور پر برت کر روشنی، امید اور بچھڑی ہوئی محبت کے کرب کو بیان کیا ہے۔ ابتدا میں ایک گم شدہ گاؤں اور اس کی روشنیوں کی یاد ہے، جبکہ آخری شعر میں اندھیری رات کا ذکر کر کے امید اور نئی روشنی کی طلب کا لہجہ نمایاں ہوتا ہے۔ شاعر کا لہجہ حسرت اور دل گرفتگی کا ہے، مگر مقطع میں ایک سادہ سی پکار بھی سنائی دیتی ہے۔ ایک نمایاں شعر وہ ہے جس میں محبوب کا ہنستے ہوئے چراغ گل کرنا بات کے جواب کو خاموشی سے بدل دینے کا اظہار ہے۔