سورج کو کیا پتہ ہے کدھر دھوپ چاہئےآنگن بڑا ہے اپنے بھی گھر دھوپ چاہئے
آئینے ٹوٹ ٹوٹ کے بکھرے ہیں چار سوڈھونڈیں گے عکس عکس مگر دھوپ چاہئے
بھیگے ہوئے پروں سے تو اڑنے نہ پائیں گےکاٹوں نہ ان پرندوں کے پر دھوپ چاہئے
ہم سے دریدہ پیرہن و جاں کے واسطےیاقوت چاہئے نہ گہر دھوپ چاہئے
سورج نہ جانے کون سی وادی میں چھپ گیااور چیختی پھرے ہے سحر دھوپ چاہئے
اک نیند ہے کہ آنکھ سے لگ کر نکل گئیاب رات کا طویل سفر دھوپ چاہئے
پانی پہ چاہے نقش بنائے کوئی متینؔکاغذ پہ میں بناؤں مگر دھوپ چاہئے
— غیاث متین
Suraj ko kya pata hai kidhar dhoop chahiyeAangan bada hai apne bhi ghar dhoop chahiye
Aayine toot toot ke bikhre hain chaar sooDhoondenge aks aks magar dhoop chahiye
Bheege hue paron se to udne na paayengeKaaton na in parindon ke par dhoop chahiye
Hum se dareeda-peeraahan-o-jaan ke waasteYaaqoot chahiye na guhar dhoop chahiye
Suraj na jaane kaun si waadi mein chhup gayaAur cheekhti phire hai sehar dhoop chahiye
Ik neend hai ke aankh se lag kar nikal gayiAb raat ka taweel safar dhoop chahiye
Paani pe chahe naqsh banaaye koi MateenKaaghaz pe main banaoon magar dhoop chahiye
فرہنگ
تشریح
اس غزل میں شاعر نے دھوپ کو روشنی، امید اور زندگی کی علامت کے طور پر پیش کیا ہے۔ سورج کی لاپتہ حالت اور ٹوٹے ہوئے آئینوں کے ذریعے وہ ایک ایسے ماحول کی تصویر کھینچتا ہے جہاں روشنی کی شدید طلب ہے۔ لہجہ اداس مگر پرعزم ہے، اور بار بار دہرائی گئی ردیف 'دھوپ چاہئے' اس طلب کو مزید گہرا کرتی ہے۔ مثلاً 'اک نیند ہے کہ آنکھ سے لگ کر نکل گئی' والا شعر بے خوابی اور طویل انتظار کی کیفیت بیان کرتا ہے۔