نصیبہ جاگ اٹھا اور مقدر بن گیا اپناجہاں دیوار ہے اس کی وہیں گھر بن گیا اپنا
نہ جانے دھوپ نے اپنی زباں میں کیا کہا اس سےشجر کے جسم سے سایہ نکل کر بن گیا اپنا
ہماری آنکھ سے نیندوں کا رشتہ توڑنے والےکوئی تجھ سے سوا خوش رنگ پیکر بن گیا اپنا
ہمارا سر سلامت ہی رہا سنگ حوادث میںجو پتھر بھی ادھر آیا وہ پتھر بن گیا اپنا
سفر میں ساتھ اپنے دھوپ دریا اور سمندر تھےہماری خوش نصیبی تھی سمندر بن گیا اپنا
ہوا بارش سمندر کا کنارہ اور ہم دونوںکچھ ایسے کھو گئے منظر میں منظر بن گیا اپنا
یہی بارش کا موسم تھا ہوائیں تیز تھیں اس دنبہت بھیگا ہوا تھا وہ سمٹ کر بن گیا اپنا
متینؔ اک عمر گزری ہے سخن کو آب دینے میںتبھی الماس لہجہ سب سے ہٹ کر بن گیا اپنا
— غیاث متین
Naseeba jaag utha aur muqaddar ban gaya apnaJahaan deewaar hai us ki wahin ghar ban gaya apna
Na jaane dhoop ne apni zabaan mein kya kaha us seShajar ke jism se saaya nikal kar ban gaya apna
Hamaari aankh se neendon ka rishta torne waaleKoi tujh se siwa khush rang paikar ban gaya apna
Hamaara sar salaamat hi raha sang-e-hawaadis meinJo patthar bhi idhar aaya wo patthar ban gaya apna
Safar mein saath apne dhoop dariya aur samandar theHamaari khush naseebi thi samandar ban gaya apna
Hawa baarish samandar ka kinaara aur hum dononKuchh aise kho gaye manzar mein manzar ban gaya apna
Yahi baarish ka mausam tha hawaayen tez thin us dinBahut bheega hua tha wo simat kar ban gaya apna
Mateen ik umr guzri hai sukhan ko aab dene meinTabhi almaas lehja sab se hat kar ban gaya apna
فرہنگ
تشریح
اس غزل میں شاعر نے قسمت کے بدلنے اور اپنے وجود کی ایک نئی شناخت بننے کا تجربہ بیان کیا ہے۔ ہر شعر میں "اپنا" کی ردیف کے ساتھ مختلف مناظر، یعنی دیوار و گھر، دھوپ اور سایہ، سمندر و کنارہ اور بارش، کے ذریعے یہ خیال ابھرتا ہے کہ حالات کے بدلنے سے انسان کی حیثیت بھی بدل جاتی ہے۔ لہجہ پرامید اور پُرسکون ہے۔ آخری شعر میں شاعر اپنی مسلسل ریاضت اور سخن کی نکھری ہوئی شناخت کا ذکر کرتا ہے۔