پاگل سی ہوا ڈھلتی ہوئی شام سمندرایسے ہی کہیں لے نہ ترا نام سمندر
ویرانوں میں بھٹکیں کہ ترے شہر میں ٹھہریںآنکھوں میں در آتا ہے سر شام سمندر
ہے تازہ ہواؤں پہ یہ الزام کہ چپ ہیںکچھ ایسا ہی تجھ پر بھی ہے الزام سمندر
کاغذ کی بنی ناؤ میں بیٹھے ہوئے ہم لوگگرداب سے نکلے ہیں ذرا تھام سمندر
دے اذن کہ پانی پہ مکاں اپنے بنائیںاب ساری زمیں ہو گئی نیلام سمندر
سنتے ہیں وہاں عکس ابھرتے ہیں بدن کےچلتے ہیں چلو ہم بھی سر شام سمندر
کس وقت زمیں میرے قدم لینے لگی ہےجب رہ گیا مٹی سے بس اک گام سمندر
تو عکس فلک ہے تو فلک آئنہ تیرااک رقص مسلسل ہے ترا کام سمندر
چڑھتے ہوئے دریا ہوں کہ سوکھی ہوئی نہریںرکھتے ہیں ترے سر سبھی الزام سمندر
کیا بھر گئے پانی سے لبالب کہ متینؔ آجدینے لگے صحراؤں کو دشنام سمندر
— غیاث متین
Paagal si hawa dhalti hui shaam samandarAise hi kahin le na tera naam samandar
Veeraanon mein bhatkein ke tere shehr mein thehreinAankhon mein dar aata hai sar-e-shaam samandar
Hai taaza hawaaon pe ye ilzaam ke chup hainKuchh aisa hi tujh par bhi hai ilzaam samandar
Kaaghaz ki bani naao mein baithe hue hum logGardaab se nikle hain zara thaam samandar
De izn ke paani pe makaan apne banaayenAb saari zameen ho gayi neelaam samandar
Sunte hain wahaan aks ubharte hain badan keChalte hain chalo hum bhi sar-e-shaam samandar
Kis waqt zameen mere qadam lene lagi haiJab reh gaya mitti se bas ik gaam samandar
Tu aks-e-falak hai to falak aaina teraIk raqs-e-musalsal hai tera kaam samandar
Charhte hue dariya hon ke sookhi hui nehreinRakhte hain tere sar sabhi ilzaam samandar
Kya bhar gaye paani se labaalab ke Mateen aajDene lage sehraaon ko dushnaam samandar
فرہنگ
تشریح
اس غزل میں شاعر نے سمندر کو علامت بنا کر ویرانے، شہر، ہوا اور زمین کے باہمی تعلق کو بیان کیا ہے۔ کلام کا لہجہ پراسرار اور تمثیلی ہے، جس میں سمندر کی وسعت اور اس کے عکس کو مختلف رنگوں میں دکھایا گیا ہے۔ ایک نمایاں شعر میں کہا گیا ہے کہ زمین رفتہ رفتہ سمندر کے پانی میں اتر رہی ہے اور اب سارا علاقہ گویا نیلام ہو چکا ہے۔ آخری شعر میں لبالب بھرے ہوئے سمندر کا صحراؤں کو دشنام دینا ایک دلچسپ تضاد پیش کرتا ہے۔