ثمر فروش کی نگاہ دوربین میںاندھیرا درمیان سے پھٹا
بہت سے سبز پوش تھےکہ جن کا ریشمیں لبادہ سرخ تھا
گل انار سرخ ہونٹوں سے زیادہ سرخ تھاپکے ہوئے پھلوں کی خوشبوئیں تھیں مجتمع
گھلی نہ تھی ابھی احاطۂ سیاہ میں ہواپکے ہوئے پھلوں بھری مہک ابھی اڑی نہ تھی
مقام متصل سے بے خبرنقاب در نقاب مختصر سی ایک بیل
تھی چھپی ہوئیدلہن کی طرح اپنے آپ میں
ابھی ہلے نہیں ہیں شاخچےلرزنی ہے ابھی نوائے خوش موذن جوان کی
ابھی طیور تک خموش ہیںنہ جو کسی بھی ذو فنون سمت سے بڑھے
نہ جو کسی کے تازہ جسم و جان سے اٹھےدبیز خامشی میں بولتا
دبیز خامشی کو چیرتا سروش ہےچھڑک دیا کسی نے آب زرفشان جھنڈ پر
چمک اٹھا سفید دنکھلا ثمر فروش خوشبوؤں میں بند باغ دیکھ کر
ہزار رنگوں والی تتلیاںجو اک نحیف شاخچے سے لگ کے سو رہی تھیں
جاگنے لگیںسہاگنیں درون توڑتی
دمکتے خواب کو تیاگنے لگیںسیاہ بادلوں کی نرم اور مہین چادروں سے
باغ ڈھانپنے لگیںثمر فروش کی نگاہ دوربین
— اقتدار جاوید
Samar farosh ki nigah durbeen meinAndhera darmiyan se phata
Bahut se sabz posh theKe jin ka reshmay libada surkh tha
Gul anar surkh honton se zyada surkh thaPakke hue phalon ki khushboo'en thin mujtame'
Ghuli na thi abhi ehata-e-siyah mein hawaPakke hue phalon bhari mahak abhi udi na thi
Muqam muttasil se bekhabarNaqaab dar naqaab mukhtasar si ek bel
Thi chhupi huiDulhan ki tarah apne aap mein
Abhi hile nahin hain shaakhcheLarazni hai abhi nawa-e-khush moazzin jawan ki
Abhi tuyur tak khamosh hainNa jo kisi bhi zu-funoon simt se badhe
Na jo kisi ke taza jism-o-jaan se utheDabeez khamoshi mein bolta
Dabeez khamoshi ko chirta sarosh haiChhidak diya kisi ne aab-e-zarfishan jhund par
Chamak utha safed dinKhula samar farosh khushboo'on mein band bagh dekh kar
Hazar rangon wali titliyanJo ek naheef shaakhche se lag ke so rahi thin
Jaagne laginSuhaganein daroon todti
Damakte khwab ko tyagne laginSiyah badalon ki narm aur maheen chadaron se
Bagh dhaampne laginSamar farosh ki nigah durbeen