فریب کھائے ہیں رنگ و بو کے سراب کو پوجتا رہا ہوںمگر نتائج کی روشنی میں خود اپنی منزل پہ آ رہا ہوں
جو دل کی گہرائیوں میں صبح ظہور آدم سے سو رہی تھیںمیں اپنی فطرت کی ان خدا داد قوتوں کو جگا رہا ہوں
میں سانس لیتا ہوں ہر قدم پر کہ بوجھ بھاری ہے زندگی کاٹھہر ذرا گرم رو زمانے کہ میں ترے ساتھ آ رہا ہوں
جہاز رانوں کو بھی تعجب ہے میرے اس عزم مطمئن پرکہ آندھیاں چل رہی ہیں تند اور میں اپنی کشتی چلا رہا ہوں
طلسم فطرت بھی مسکراتا ہے میری افسوں طرازیوں پربہت سے جادو جگا چکا ہوں بہت سے جادو جگا رہا ہوں
یہ مہر تاباں سے کوئی کہہ دے کہ اپنی کرنوں کو گن کے رکھ لےمیں اپنے صحرا کے ذرے ذرے کو خود چمکنا سکھا رہا ہوں
مرا تخیل مرے ارادے کریں گے فطرت پہ حکمرانیجہاں فرشتوں کے پر ہیں لرزاں میں اس بلندی پہ جا رہا ہوں
یہ وہ گھروندے ہیں جن پہ اک دن پڑے گی بنیاد قصر جنتنہ سمجھیں سکان بزم عصمت کہ میں گھروندے بنا رہا ہوں
یہ ناز پروردگان ساحل ڈریں ڈریں مری گرم رو سےکہ میں سمندر کی تند موجوں کو روندتا پاس آ رہا ہوں
— جمیل مظہری
Fareb khaaye hain rang-o-boo ke saraab ko poojta raha hoonMagar nataaij ki roshni mein khud apni manzil pe aa raha hoon
Jo dil ki gahraaiyon mein subh-e-zahoor-e-aadam se so rahi theenMein apni fitrat ki un khuda daad quvvaton ko jiga raha hoon
Mein saans leta hoon har qadam par keh bojh bhaari hai zindagi kaThahar zara garm rau zamaane keh mein tere saath aa raha hoon
Jahaaz raanon ko bhi ta'ajjub hai mere is azm-e-mutma'in parKeh aandhiyan chal rahi hain tund aur mein apni kashti chala raha hoon
Tilism-e-fitrat bhi muskurata hai meri afsoon taraaziyon parBahut se jaadu jiga chuka hoon bahut se jaadu jiga raha hoon
Yeh mihr-e-taabaan se koi kah de keh apni kirnon ko gin ke rakh layMein apne sehra ke zarre zarre ko khud chamakna sikha raha hoon
Mera takhayyul mere iraade karein ge fitrat pe hukmraaniJahaan farishton ke par hain larzaan mein us bulandi pe ja raha hoon
Yeh woh gharonde hain jin pe ik din pare gi bunyaad-e-qasr-e-jannatNah samajhein sukkaan-e-bazm-e-ismat keh mein gharonde bana raha hoon
Yeh naaz parvardagaan-e-sahil darein darein meri garm rau seKeh mein samundar ki tund maujon ko rondta paas aa raha hoon
فرہنگ
تشریح
اس نظم میں شاعر انسان کے ارادے، جدوجہد اور اپنی فطری قوتوں کو بیدار کرنے کے جذبے کو بیان کرتا ہے۔ وہ رنگ و بو کے فریب سے نکل کر اپنی منزل کی طرف بڑھتا ہے اور طوفانوں کے باوجود اپنی کشتی چلاتا رہتا ہے۔
لہجہ پرجوش اور پراعتماد ہے۔ شاعر زمانے کو ٹھہرنے کو کہتا ہے کیونکہ وہ اس کے ساتھ آ رہا ہے، اور کہتا ہے کہ اس کا تخیل اور ارادہ فطرت پر حکمرانی کریں گے۔
نظم کا یہ مصرع نمایاں ہے کہ میں اپنے صحرا کے ذرے ذرے کو خود چمکنا سکھا رہا ہوں، جس میں خود اعتمادی اور عمل کی قوت کا اظہار ہے۔