مزدور ہیں ہم، مزدور ہیں ہم، مجبور تھے ہم، مجبور ہیں ہمانسانیت کے سینے میں رستا ہوا اک ناسور ہیں ہم
دولت کی آنکھوں کا سرمہ بنتا ہے ہماری ہڈی سےمندر کے دیئے بھی جلتے ہیں مزدور کی پگھلی چربی سے
ہم سے بازار کی رونق ہے، ہم سے چہروں کی لالی ہےجلتا ہے ہمارے دل کا دیا دنیا کی سبھا اجیالی ہے
دولت کی سیوا کرتے ہیں ٹھکرائے ہوئے ہم دولت کےمزدور ہیں ہم، مزدور ہیں ہم سوتیلے بیٹے قسمت کے
سونے کی چٹائی تک بھی نہیں، ہم ذات کے اتنے ہیٹے ہیںیہ سیجوں پر سونے والے شاید بھگوان کے بیٹے ہیں
ہم میں نہیں کوئی تبدیلی جاڑے کی پالی راتوں میںبیساکھ کے تپتے موسم میں، ساون کی بھری برساتوں میں
کپڑے کی ضرورت ہی کیا ہے مزدوروں کو، حیوانوں کوکیا بحث ہے، سردی گرمی سے لوہے کے بنے انسانوں کو
ہونے دو چراغاں محلوں میں، کیا ہم کو اگر دیوالی ہےمزدور ہیں ہم، مزدور ہیں ہم، مزدور کی دنیا کالی ہے
مزدور کے بچے تکتے ہیں جب حسرت سے دوکانوں کومزدور کا دل دیتا ہے دعا دیوتاؤں کو، بھگوانوں کو
کھایا مٹی کے برتن میں، سوئے تو بچھونے کو ترسےمختاروں پر تنقیدیں ہیں، بیچارگیاں مجبوروں کی
سوکھا چہرہ دہقانوں کا، زخمی پیٹھیں مزدوروں کیوہ بھوکوں کے ان داتا ہیں، حق ان کا ہے بیداد کریں
ہم کس دروازے پر جائیں کس سے جا کر فریاد کریںبازار تمدن بھی ان کا دنیائے سیاست بھی ان کی
مذہب کا ارادہ بھی ان کا، دنیائے سیاست بھی ان کیپابند ہمیں کرنے کے لیے سو راہیں نکالی جاتی ہیں
قانون بنائے جاتے ہیں، زنجیریں ڈھالی جاتی ہیںپھر بھی آغاز کی شوخی میں انجام دکھائی دیتا ہے
ہم چپ ہیں لیکن فطرت کا انصاف دہائی دیتا ہےاٹھ بیٹھے انگڑائی لے کر جو غفلت کا متوالا ہے
آکاش کے تیور کہتے ہیں، طوفان پھر آنے والا ہےاک ابر کا ٹکڑا آتا ہے، اک ابر کا ٹکڑا جاتا ہے
یا خواب پریشاں دنیا کا بالائے فضا منڈلاتا ہےچلتی ہے زمانہ میں آندھی شاعر کے تند خیالوں کی
اس تیز ہوا میں خیر نہیں ہے اونچی پگڑی والوں کیاحساس خودی مظلوموں کا اب چونک کے کروٹ لیتا ہے
جو وقت کہ آنے والا ہے دل اس کی آہٹ لیتا ہےطوفاں کی لہریں جاگ اٹھیں سو کر اپنے گہوارے سے
کچھ تنکے شوخی کرتے ہیں سیلاب کے سرکش دھارے سےمندیل سروں سے گرتی ہے اور پاؤں سے روندی جاتی ہے
سینہ میں گھٹاؤں کی بجلی، بے چین ہے کوندی جاتی ہےمنظر کی کدورت دھو دے گی دھرتی کی پیاس بجھائے گی
موسم کے اشارے کہتے ہیں یہ بدلی کچھ برسائے گییہ ابر جو گھر کر آتا ہے، گر آج نہیں کل برسے گا
سب کھیت ہرے ہو جائیں گے جب ٹوٹ کے بادل برسے گا
— جمیل مظہری
Mazdoor hain hum, mazdoor hain hum, majboor the hum, majboor hain humInsaaniyat ke seene mein rasta hua ik naasoor hain hum
Daulat ki aankhon ka surma banta hai hamaari haddi seMandir ke diye bhi jalte hain mazdoor ki pighli charbi se
Hum se baazaar ki raunaq hai, hum se chehron ki laali haiJalta hai hamaare dil ka diya duniya ki sabha ujyaali hai
Daulat ki seva karte hain thukraaye hue hum daulat keMazdoor hain hum, mazdoor hain hum soteele bete qismat ke
Sone ki chatai tak bhi nahin, hum zaat ke itne hete hainYeh seejon par sone waale shaayad bhagwaan ke bete hain
Hum mein nahin koi tabdeeli jaare ki paali raaton meinBaisaakh ke tapte mausam mein, saawan ki bhari barsaaton mein
Kapre ki zaroorat hi kya hai mazdooron ko, haivaanon koKya bahs hai, sardi garmi se lohe ke bane insaanon ko
Hone do charaaghaan mahallon mein, kya hum ko agar deewaali haiMazdoor hain hum, mazdoor hain hum, mazdoor ki duniya kaali hai
Mazdoor ke bacche takte hain jab hasrat se dookaanon koMazdoor ka dil deta hai dua devtaon ko, bhagwaanon ko
Khaaya mitti ke bartan mein, soye to bichhone ko tarseMukhtaaron par tanqeedein hain, bechaargiyan majbooron ki
Sookha chehra dehqaanon ka, zakhmi peethein mazdooron kiWoh bhookon ke ann daata hain, haq un ka hai beedaad karein
Hum kis darwaaze par jaayein kis se ja kar faryaad kareinBaazaar-e-tamaddun bhi un ka duniya-e-siyaasat bhi un ki
Mazhab ka iraada bhi un ka, duniya-e-siyaasat bhi un kiPaaband hamein karne ke liye sau raahein nikaali jaati hain
Qaanoon banaaye jaate hain, zanjeerein dhaali jaati hainPhir bhi aagaaz ki shoukhi mein anjaam dikhaai deta hai
Hum chup hain lekin fitrat ka insaaf duhaai deta haiUth baithe angraai lay kar jo ghaflat ka matwaala hai
Aakaash ke tevar kahte hain, toofan phir aane wala haiIk abr ka tukra aata hai, ik abr ka tukra jaata hai
Ya khwaab-e-pareeshaan duniya ka baala-e-faza mundlaata haiChalti hai zamaane mein aandhi shaair ke tund khayaalon ki
Is tez hawa mein khair nahin hai oonchi pagri waalon kiEhsaas-e-khudi mazloomon ka ab chaunk ke karwat leta hai
Jo waqt keh aane wala hai dil us ki aahat leta haiToofan ki lahrein jaag uthein so kar apne gahwaare se
Kuch tinkay shoukhi karte hain sailaab ke sarkash dhaare seMandeel saron se girti hai aur paon se rondi jaati hai
Seene mein ghataon ki bijli, be chain hai koundi jaati haiManzar ki kudoorat dho de gi dharti ki pyaas bujhaaye gi
Mausam ke ishaare kahte hain yeh badli kuch barsaaye giYeh abr jo ghir kar aata hai, gir aaj nahin kal barse ga
Sab khet hare ho jaayein ge jab toot ke baadal barse ga
فرہنگ
تشریح
اس نظم میں شاعر مزدور طبقے کی محنت، محرومی اور بے بسی کو بیان کرتا ہے۔ مزدور خود کو انسانیت کا ناسور کہتا ہے جس کی ہڈیوں اور پگھلی چربی سے امیروں کی رونق قائم ہے، مگر اسے ایک بوند بھی سکون میسر نہیں۔ شاعر کا لہجہ احتجاجی ہے، اور نظم کا اختتام اس امید پر ہوتا ہے کہ مظلوموں کے احساسِ خودی کی بیداری سے ظلم کا خاتمہ ہو گا۔ شاعر کہتا ہے کہ جب بادل ٹوٹ کر برسے گا تو سب کھیت ہرے ہو جائیں گے، یعنی انصاف کا وقت ضرور آئے گا۔