ہمارا تو کوئی سہارا نہیں ہےخدا ہے تو لیکن ہمارا نہیں ہے
محبت کی تلخی گوارا ہے لیکنحقیقت کی تلخی گوارا نہیں ہے
مری زندگی وہ خلا ہے کہ جس میںکہیں دور تک کوئی تارا نہیں ہے
خدا کیا خودی کو بھی آواز دی ہےمصیبت میں کس کو پکارا نہیں ہے
سراب اک حقیقت ہے آب اک تصوریہی زندگی ہے تو چارا نہیں ہے
ہم اپنی ہی آنکھوں کا پردہ الٹ دیںحقیقت کو یہ بھی گوارا نہیں ہے
وہ کیا ان کے گیسو سنوارے گا جس نےگریباں بھی اپنا سنوارا نہیں ہے
خدا اس سے نپٹے تو نپٹے کہ یہ دلہمارا نہیں ہے تمہارا نہیں ہے
نظر ان کی گوشہ نشیں ہے حیا سےاشارا نہیں یہ اشارا نہیں ہے
ہمارا ہے کیا جب ہمارا ارادہہمارا ہے لیکن ہمارا نہیں ہے
گریباں بہت سے ہوئے پارہ پارہنقاب ایک بھی پارہ پارا نہیں ہے
کسی کے لیے دل کو سلگا کے دیکھوجہنم کوئی استعارا نہیں ہے
بجز مظہریؔ کے سبھی بزم میں ہیںوہی تیرے وعدوں کا مارا نہیں ہے
— جمیل مظہری
Hamara to koi sahara nahin haiKhuda hai to lekin hamara nahin hai
Muhabbat ki talkhi gawara hai lekinHaqeeqat ki talkhi gawara nahin hai
Meri zindagi woh khala hai keh jis meinKahin door tak koi tara nahin hai
Khuda kya khudi ko bhi aawaz di haiMusibat mein kis ko pukara nahin hai
Saraab ik haqeeqat hai aab ik tasawwurYehi zindagi hai to chara nahin hai
Hum apni hi aankhon ka parda ulat deinHaqeeqat ko yeh bhi gawara nahin hai
Woh kya un ke gesu sanware ga jis neGareeban bhi apna sanwara nahin hai
Khuda is se nipte to nipte keh yeh dilHamara nahin hai tumhara nahin hai
Nazar un ki gosha nasheen hai haya seIshara nahin yeh ishara nahin hai
Hamara hai kya jab hamara iradaHamara hai lekin hamara nahin hai
Gareeban bahut se hue para paraNaqab ek bhi para para nahin hai
Kisi ke liye dil ko sulga ke dekhoJahannam koi isti'ara nahin hai
Ba-juz Mazhari ke sabhi bazm mein hainWahi tere wa'don ka mara nahin hai
فرہنگ
تشریح
اس غزل میں شاعر اپنی بے سہارا حالت اور دنیا کی تلخ حقیقت کا بیان کرتا ہے۔ وہ کہتا ہے کہ خدا تو موجود ہے مگر اسے اپنا نہیں سمجھتا، اور زندگی کو ایک ایسا خلا قرار دیتا ہے جس میں کوئی امید کا تارا نہیں چمکتا۔ لہجہ شکایت، دکھ اور طنز کا ہے، جو محبت کی تلخی کو گوارا کرنے اور حقیقت کی تلخی کو ناگوار سمجھنے والے شعر میں نمایاں ہے۔ شاعر حقیقت اور تصور کے فرق کو سراب اور آب کی مثال سے واضح کرتا ہے۔