کون کہتا ہے بڑھا شوق ادھر سے پہلےکس نے دیکھا تھا کسے ترچھی نظر سے پہلے
مطمئن ہو لے ذرا اہل نظر سے پہلےپردے آنکھوں کے اٹھا پردۂ در سے پہلے
ابھی تعلیم وفا یعنی جفا کا نہیں وقتتربیت شوق کی ہو لطف نظر سے پہلے
ہاں محبت میں مزہ ہے مجھے انکار نہیںمگر اے ذوق خلش درد جگر سے پہلے
سالک راہ وفا ہے دل آشفتہ مزاجمژدۂ گمرہئ شوق سفر سے پہلے
جرأت عرض تمنا پہ خفا ہو لینامسکراؤ تو ذرا نیچی نظر سے پہلے
موسم کیف میں بے کیفئ جذبات نہ پوچھدل بلبل ہے فسردہ گل تر سے پہلے
جنبش مضطرب پردۂ عصمت کی قسمجلوے بیتاب ہوئے ذوق نظر سے پہلے
جن سے بدنام ہوئے عشق کے جذبات لطیفوہ اشارے تھے ادھر سے کہ ادھر سے پہلے
دو ارادوں میں جو حائل تھے حیا کے پردےکس نے سرکائے اشارات نظر سے پہلے
کیوں کوئی پہلوئے جاناں میں جگہ پائے جمیلؔآج ہم بزم میں پہنچیں گے قمر سے پہلے
— جمیل مظہری
Kaun kahta hai badha shauq idhar se pehleKis ne dekha tha kise tirchhi nazar se pehle
Mutmain ho le zara ahl-e-nazar se pehleParde aankhon ke utha pardah-e-dar se pehle
Abhi taaleem-e-wafa yaani jafa ka nahin waqtTarbiyat shauq ki ho lutf-e-nazar se pehle
Haan muhabbat mein mazah hai mujhe inkaar nahinMagar ae zauq-e-khalish dard-e-jigar se pehle
Saalik-e-rah-e-wafa hai dil-e-aashuftah mizaajMuzdah-e-gumrahi-e-shauq-e-safar se pehle
Juraat-e-arz-e-tamanna pe khafa ho lenaMuskarao to zara neechi nazar se pehle
Mausam-e-kaif mein be-kaifi-e-jazbaat na poochhDil-e-bulbul hai fasurdah gul-e-tar se pehle
Junbish-e-muzta-rib pardah-e-ismat ki qasamJalwe betaab hue zauq-e-nazar se pehle
Jin se badnaam hue ishq ke jazbaat-e-lateefWoh ishaare the idhar se ke idhar se pehle
Do iraadon mein jo haail the haya ke pardeKis ne sarkaye ishaaraat-e-nazar se pehle
Kyun koi pehlu-e-jaanan mein jagah paye JameelAaj hum bazm mein pahunchain ge qamar se pehle
فرہنگ
تشریح
اس غزل میں شاعر محبت کے آغاز، شوق اور نظر کے ابتدائی تعلق کو بیان کرتا ہے۔ وہ پوچھتا ہے کہ شوق پہلے کس طرف سے بڑھا، اور یہ کہ محبت کے ان اشاروں میں پہل کس نے کی۔ لہجہ نرم، سوال آمیز اور رومانی ہے، جس میں شکایت اور لطف دونوں شامل ہیں۔
مثلاً شاعر کہتا ہے کہ محبت میں مزہ ہے اور اسے اس سے انکار نہیں، مگر دل کی خلش درد جگر سے پہلے آتی ہے۔ مقطع میں وہ اپنی آرزو کو بزم کے ساتھ جوڑتا ہے، جس میں محبوب کے پہلو تک پہنچنے کی خواہش نمایاں ہے۔