غور تو کیجے کہ یہ سجدہ روا کیوں کر ہوااس نے جب کچھ ہم سے مانگا تو خدا کیونکر ہوا
اے نگاہ شوق اس چشم فسوں پرداز میںوہ جو اک پندار تھا آخر حیا کیونکر ہوا
اک ترازو عشق کے ہاتھوں میں بھی جب ہے تو وہعالم سود و زیاں سے ماورا کیونکر ہوا
دین و دانش دونوں ہی ہر موڑ پر تھے دل کے ساتھیک بیک دیوانہ دونوں سے خفا کیونکر ہوا
رہزنوں کے غول ادھر تھے رہبروں کی بھیڑ ادھرآ گئے منزل پہ ہم یہ معجزہ کیونکر ہوا
خارزار دین و دانش لالہ زار حسن و عشقدل کی اک وحشت سے طے یہ مرحلہ کیونکر ہوا
اپنے ذہنی زلزلوں کا نام جو رکھ لو مگردو دلوں کا اک تصادم سانحہ کیونکر ہوا
تیری محرومی اسے جو بھی کہے لیکن جمیلؔغیر سے اس نے وفا کی بے وفا کیونکر ہوا
— جمیل مظہری
Ghaur to keeje ke yeh sajda rawa kyun kar huaIs ne jab kuch hum se manga to khuda kyun kar hua
Ae nigah-e-shauq is chashm-e-fasoon-pardaz meinWoh jo ek pindar tha aakhir haya kyun kar hua
Ek tarazu ishq ke hathon mein bhi jab hai to wohAlam-e-sood-o-ziyan se ma-wara kyun kar hua
Deen-o-danish dono hi har mor par the dil ke sathYak-ba-yak deewana dono se khafa kyun kar hua
Rahzanon ke ghul idhar the rahbaron ki bheed idharAa gaye manzil pe hum yeh muajiza kyun kar hua
Kharzar-e-deen-o-danish lala-zar-e-husn-o-ishqDil ki ek wahshat se tay yeh marhala kyun kar hua
Apne zehni zalzalon ka naam jo rakh lo magarDo dilon ka ek tasadum saneha kyun kar hua
Teri mahroomi isey jo bhi kahe lekin JameelGhair se us ne wafa ki be-wafa kyun kar hua
فرہنگ
تشریح
اس غزل میں شاعر حیرت اور سوال کے انداز میں عشق کے اسرار پر غور کرتا ہے۔ وہ پوچھتا ہے کہ محبوب کے آگے سجدہ کیسے جائز ہوا اور جب اس نے ہم سے کچھ مانگا تو خدا کیسے ہو گیا۔ دین و دانش اور دل کی کشمکش، رہزنوں اور رہبروں کے بیچ منزل تک پہنچنے کو معجزہ قرار دینا، اور دو دلوں کے تصادم کو سانحہ کہنا اس کے لہجے کی نمایاں باتیں ہیں۔ لہجہ حیرانی، طنز اور فلسفیانہ سوال سے بھرا ہوا ہے، جس میں عقل اور عشق کے تضاد کو نئے زاویے سے دیکھا گیا ہے۔