اب خاک تو کیا ہے دل کو جلا جلا کرکرتے ہو اتنی باتیں کیوں تم بنا بنا کر
عاشق کے گھر کی تم نے بنیاد کو بٹھایاغیروں کو پاس اپنے ہر دم بٹھا بٹھا کر
یہ بھی کوئی ستم ہے یہ بھی کوئی کرم ہےغیروں پہ لطف کرنا ہم کو دکھا دکھا کر
اے بت نہ مجھ کو ہرگز کوچے سے اب اٹھاناآیا ہوں یاں تلک میں ظالم خدا خدا کر
دیتا ہوں میں ادھر جی اپنا تڑپ تڑپ کردیکھے ہے وہ ادھر کو آنکھیں چرا چرا کر
کوئی آشنا نہیں ہے ایسا کہ با وفا ہوکہتے ہو تم یہ باتیں ہم کو سنا سنا کر
جلتا تھا سینہ میرا اے شمع تس پہ تو نےدونی لگائی آتش آنسو بہا بہا کر
اک ہی نگاہ کر کر سینے سے لے گیا وہہر چند دل کو رکھا ہم نے چھپا چھپا کر
جرأت نے آخر اپنے جی کو بھی اب گنوایاان بے مروتوں سے دل کو لگا لگا کر
— جرات قلندر بخش
Ab khaak to kya hai dil ko jala jala karKarte ho itni baatein kyun tum bana bana kar
Aashiq ke ghar ki tum ne bunyaad ko bithayaGhairon ko paas apne har dam bitha bitha kar
Yeh bhi koi sitam hai yeh bhi koi karam haiGhairon pe lutf karna hum ko dikha dikha kar
Ae but na mujh ko hargiz kooche se ab uthanaAaya hoon yaan talak main zaalim Khuda Khuda kar
Deta hoon main idhar ji apna tarap tarap karDekhe hai woh udhar ko aankhein chura chura kar
Koi aashna nahin hai aisa keh ba-wafa hoKehte ho tum yeh baatein hum ko suna suna kar
Jalta tha seena mera ae shama tus pe tu neDooni lagai aatish aansoo baha baha kar
Ik hi nigaah kar kar seene se le gaya wohHar chand dil ko rakha hum ne chhupa chhupa kar
Jurat ne aakhir apne ji ko bhi ab ganwayaIn be-murawwaton se dil ko laga laga kar