زندگی بھر یہ بوجھ ڈھونا ہے – خالد احمد

زندگی بھر یہ بوجھ ڈھونا ہےآگہی عمر بھر کا رونا ہے

شام غم بوند بوند پگھلے گیلمحہ لمحہ حنائی ہونا ہے

مفلسی بچ رہی خساروں سےکچھ نہ پانا ہی کچھ نہ کھونا ہے

روح تک جذب کر لیا ان کواب انہیں حرف میں سمونا ہے

عکس در عکس کب وہ مہکیں گےآئنہ کب گلاب ہونا ہے

رات ان کے بدن کی چاندی تھیصبح ان کے بدن کا سونا ہے

کنج لب کنج چشم حجلۂ زلفدجلۂ صبح کونا کونا ہے

اک مسیحا نے گھر بلایا ہےآج پانی شراب ہونا ہے

عرش پر چاند ہے ستارے ہیںفرش پر کانچ کا کھلونا ہے

سایۂ دار سایۂ دیوارعشق کا اوڑھنا بچھونا ہے

کاش کوئی ہمیں یہ بتلا دےکس کے سینے سے لگ کے رونا ہے

کس کے سینے پہ داغ کتنے ہیںاک نہ اک دن حساب ہونا ہے

جان جاں آئنے کدھر جائیںآمنا سامنا تو ہونا ہے

اے دل اہل جمال کیا جانیںاب ہمیں تجھ سے ہاتھ دھونا ہے

خواب و خواہش کے درمیاں خالدؔماتم آرزو بھی ہونا ہے

علم عرفان آگہی خالدؔخاک کے ساتھ خاک ہونا ہے

— خالد احمد