ہم کو جنوں کیا سکھلاتے ہو ہم تھے پریشاں تم سے زیادہچاک کئے ہیں ہم نے عزیزو چار گریباں تم سے زیادہ
چاک جگر محتاج رفو ہے آج تو دامن صرف لہو ہےاک موسم تھا ہم کو رہا ہے شوق بہاراں تم سے زیادہ
عہد وفا یاروں سے نبھائیں ناز حریفاں ہنس کے اٹھائیںجب ہمیں ارماں تم سے سوا تھا اب ہیں پشیماں تم سے زیادہ
ہم بھی ہمیشہ قتل ہوئے اور تم نے بھی دیکھا دور سے لیکنیہ نہ سمجھنا ہم کو ہوا ہے جان کا نقصاں تم سے زیادہ
جاؤ تم اپنے بام کی خاطر ساری لویں شمعوں کی کتر لوزخم کے مہر و ماہ سلامت جشن چراغاں تم سے زیادہ
دیکھ کے الجھن زلف دوتا کی کیسے الجھ پڑتے ہیں ہوا سےہم سے سیکھو ہم کو ہے یارو فکر نگاراں تم سے زیادہ
زنجیر و دیوار ہی دیکھی تم نے تو مجروحؔ مگر ہمکوچہ کوچہ دیکھ رہے ہیں عالم زنداں تم سے زیادہ
— مجروح سلطانپوری
Hum ko junoon kya sikhlate ho hum the pareshan tum se zyadaChak kiye hain hum ne azizo chaar gareban tum se zyada
Chak-e-jigar mohtaj-e-rafu hai aaj to daman sirf lahoo haiEk mausam tha hum ko raha hai shauq-e-baharan tum se zyada
Ehd-e-wafa yaaron se nibhaen naaz-e-hareefaan hans ke uthaenJab hamein armaan tum se siwa tha ab hain pasheman tum se zyada
Hum bhi hamesha qatl hue aur tum ne bhi dekha door se lekinYeh na samajhna hum ko hua hai jaan ka nuqsaan tum se zyada
Jao tum apne baam ki khatir saari lawain sham'on ki kutar loZakhm ke meher-o-maah salamat jashn-e-charaghan tum se zyada
Dekh ke uljhan zulf-e-dota ki kaise ulajh padte hain hawa seHum se seekho hum ko hai yaaro fikr-e-nigaran tum se zyada
Zanjeer-o-deewar hi dekhi tum ne to Majrooh magar humKoocha koocha dekh rahe hain alam-e-zindan tum se zyada
