7 اشعار

از مہر تا بہ ذرہ دل و دل ہے آئنہ

Az mehr ta ba zarra dil o dil hai aaina

مرزا غالب
از مہر تا بہ ذرہ دل و دل ہے آئنہ

«از مہر تا بہ ذرہ دل و دل ہے آئنہ» مرزا غالب کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 1 منٹ 2 سیکنڈ ہے۔

از مہر تا بہ ذرہ دل و دل ہے آئنہطوطی کو شش جہت سے مقابل ہے آئنہ

حیرت ہجوم لذت غلطانیٔ تپشسیماب بالش و کمر دل ہے آئنہ

غفلت بہ بال جوہر شمشیر پرفشاںیاں پشت چشم شوخیٔ قاتل ہے آئنہ

حیرت نگاہ برق تماشا بہار شوخدر پردۂ ہوا پر بسمل ہے آئنہ

یاں رہ گئے ہیں ناخن تدبیر ٹوٹ کرجوہر طلسم عقدۂ مشکل ہے آئنہ

ہم زانوئے تأمل و ہم جلوہ گاہ گلآئینہ بند خلوت و محفل ہے آئنہ

دل کار گاہ فکر و اسدؔ بے نوائے دلیاں سنگ آستانۂ بیدلؔ ہے آئنہ

— مرزا غالب