گھر جب بنا لیا ترے در پر کہے بغیرجانے گا اب بھی تو نہ مرا گھر کہے بغیر
کہتے ہیں جب رہی نہ مجھے طاقت سخنجانوں کسی کے دل کی میں کیونکر کہے بغیر
کام اس سے آ پڑا ہے کہ جس کا جہان میںلیوے نہ کوئی نام ستم گر کہے بغیر
جی میں ہی کچھ نہیں ہے ہمارے وگرنہ ہمسر جائے یا رہے نہ رہیں پر کہے بغیر
چھوڑوں گا میں نہ اس بت کافر کا پوجناچھوڑے نہ خلق گو مجھے کافر کہے بغیر
مقصد ہے ناز و غمزہ ولے گفتگو میں کامچلتا نہیں ہے دشنہ و خنجر کہے بغیر
ہر چند ہو مشاہدۂ حق کی گفتگوبنتی نہیں ہے بادہ و ساغر کہے بغیر
بہرا ہوں میں تو چاہیئے دونا ہو التفاتسنتا نہیں ہوں بات مکرر کہے بغیر
غالبؔ نہ کر حضور میں تو بار بار عرضظاہر ہے تیرا حال سب ان پر کہے بغیر
— مرزا غالب
Ghar jab bana liya tere dar par kahe baghairJane ga ab bhi tu na mera ghar kahe baghair
Kehte hain jab rahi na mujhe taqat-e-sukhanJanun kisi ke dil ki main kyunkar kahe baghair
Kaam us se aa pada hai ke jis ka jahan meinLeve na koi naam sitam-gar kahe baghair
Ji mein hi kuch nahin hai hamare wagarnah humSar ja'e ya rahe na rahein par kahe baghair
Chhodun ga main na us but-e-kaafir ka poojnaChhode na khalq go mujhe kaafir kahe baghair
Maqsad hai naz-o-ghamza wale guftugoo mein kaamChalta nahin hai dushna-o-khanjar kahe baghair
Har chand ho mushahida-e-Haq ki guftugooBanti nahin hai baada-o-saghar kahe baghair
Bahra hoon main to chahiye duna ho iltifaatSunta nahin hoon baat mukarrar kahe baghair
Ghalib na kar huzoor mein tu baar baar arzZaahir hai tera haal sab un par kahe baghair
