ہر قدم دورئ منزل ہے نمایاں مجھ سےمیری رفتار سے بھاگے ہے بیاباں مجھ سے
درس عنوان تماشا بہ تغافل خوشترہے نگہ رشتۂ شیرازۂ مژگاں مجھ سے
وحشت آتش دل سے شب تنہائی میںصورت دود رہا سایہ گریزاں مجھ سے
غم عشاق نہ ہو سادگی آموز بتاںکس قدر خانۂ آئینہ ہے ویراں مجھ سے
اثر آبلہ سے جادۂ صحرائے جنوںصورت رشتۂ گوہر ہے چراغاں مجھ سے
بے خودی بستر تمہید فراغت ہو جوپر ہے سائے کی طرح میرا شبستاں مجھ سے
شوق دیدار میں گر تو مجھے گردن مارےہو نگہ مثل گل شمع پریشاں مجھ سے
بیکسی ہائے شب ہجر کی وحشت ہے ہےسایہ خورشید قیامت میں ہے پنہاں مجھ سے
گردش ساغر صد جلوۂ رنگیں تجھ سےآئنہ داریٔ یک دیدۂ حیراں مجھ سے
نگہ گرم سے ایک آگ ٹپکتی ہے اسدؔہے چراغاں خس و خاشاک گلستاں مجھ سے
بستن عہد محبت ہمہ نادانی تھاچشم نکشودہ رہا عقدۂ پیماں مجھ سے
آتش افروزی یک شعلۂ ایما تجھ سےچشمک آرائی صد شہر چراغاں مجھ سے
— مرزا غالب
Har qadam dūrī-e manzil hai numāyāñ mujh seMerī raftār se bhāge hai biyābāñ mujh se
Dars-e unvān-e tamāshā ba-taġhāful KHushtarHai nigeh rishta-e shīrāza-e mizh_gāñ mujh se
Vahshat-e ātish-e dil se shab-e tanhā_ī meinSūrat-e dūd rahā sāya-e gurezāñ mujh se
Ġham-e ushshāq na ho sādagī-āmoz-e butāñKis qadar KHāna-e ā_īna hai vīrāñ mujh se
Asar-e ābla se jāda-e sahrā-e junūñSūrat-e rishta-e gauhar hai charāġhāñ mujh se
BeKHudī bistar-e tamhīd-e farāġhat ho joPar hai sāye kī tarah merā shabistāñ mujh se
Shauq-e dīdār mein gar tū mujhe gardan māreHo nigeh misl-e gul-e sham_a pareshāñ mujh se
Be-kasī-hā-e shab-e hijr kī vahshat ha_e ha_eSāya-e KHurshīd-e qayāmat mein hai pinhāñ mujh se
Gardish-e sāġhar-e sad jalva-e rangīñ tujh seA_īna-dārī-e yak dīda-e hairāñ mujh se
Nigeh-e garm se ek āg ṭapaktī hai AsadؔHai charāġhāñ KHus-o-KHāshāk-e gulistāñ mujh se
Bastān-e ahd-e muhabbat hama nādānī thāChashm na-kushūda rahā uqda-e paimāñ mujh se
Ātish-afrozī-e yak sho'la-e īmā tujh seChashmak-ārā_ī-e sad shahr charāġhāñ mujh se