اگر غفلت سے باز آیا جفا کیتلافی کی بھی ظالم نے تو کیا کی
مرے آغاز الفت میں ہم افسوساسے بھی رہ گئی حسرت جفا کی
کبھی انصاف ہی دیکھا نہ دیدارقیامت اکثر اس کو میں رہا کی
فلک کے ہاتھ سے میں جا چھپوں گرخبر لا دے کوئی تحت الثرا کی
شب وصل عدو کیا کیا جلا ہوںحقیقت کھل گئی روز جزا کی
چمن میں کوئی اس کو سے نہ آیاگئی برباد سب محنت صبا کی
کشاد دل پہ باندھی ہے کمر آجنہیں ہے خیریت بند قبا کی
کیا جب التفات اس نے ذرا ساپڑی ہم کو حصول مدعا کی
کہا ہے غیر نے تم سے مرا حالکہے دیتی ہے بے باکی ادا کی
تمہیں شور فغاں سے میرے کیا کامخبر لو اپنی چشم سرمہ سا کی
دیا علم و ہنر حسرت کشی کوفلک نے مجھ سے یہ کیسی دغا کی
غم مقصد رسی تا نزع اور ہماب آئی موت بخت نارسا کی
مجھے اے دل تری جلدی نے مارانہیں تقصیر اس دیر آشنا کی
جفا سے تھک گئے تو بھی نہ پوچھاکہ تو نے کس توقع پر وفا کی
کہا اس بت سے مرتا ہوں تو مومنؔکہا میں کیا کروں مرضی خدا کی
— مومن خان مومن
Agar ghaflat se baaz aaya jafa kiTalafi ki bhi zaalim ne to kya ki
Mere aghaz-e-ulfat mein hum afsosUse bhi rah gayi hasrat-e-jafa ki
Kabhi insaaf hi dekha na deedaarQayamat aksar us ko main raha ki
Falak ke haath se main ja chhupoon garKhabar laa de koi tehat-us-sara ki
Shab-e-vasl-e-adoo, kya kya jala hoonHaqeeqat khul gayi roz-e-jaza ki
Chaman mein koi us ko se na aayaGayi barbaad sab mehnat-e-saba ki
Kusha dil pe baandhi hai kamar aajNahin hai khairiyat band-e-qaba ki
Kiya jab iltifat us ne zara saPadi hum ko husool-e-muddaa ki
Kaha hai ghair ne tum se mera haalKahe deti hai be-baaki-e-ada ki
Tumhein shor-e-fughan se mere kya kaamKhabar lo apni chashm-e-surma-sa ki
Diya ilm-o-hunar hasrat-kashi koFalak ne mujh se yeh kaisi dagha ki
Gham-e-maqsad rasi ta naz'a aur humAb aayi maut bakht-e-na-rasa ki
Mujhe ae dil teri jaldi ne maaraNahin taqseer us dair-ashna ki
Jafa se thak gaye to bhi na poochaKe tu ne kis tawaqqo' par wafa ki
Kaha us but se marta hoon to Momin!Kaha main kya karoon marzi khuda ki
