مری سانس اب چارا گر ٹوٹتی ہےکہیں جڑتی ہے پھر کہیں ٹوٹتی ہے
یہ خو ہے تمہاری تو کیوں کر بنے گیادھر بنتی ہے تو ادھر ٹوٹتی ہے
نہ ہم پر ہنسو حال ہوتا ہے یہ ہیمصیبت جو انسان پر ٹوٹتی ہے
سمجھتا ہوں کچھ میں بھی باتیں تمہارییہ ہر طعن کیا غیر پر ٹوٹتی ہے
خدا کے لیے پھر تو ایسا نہ کہنامری آس اے نامہ بر ٹوٹتی ہے
یہاں جس کے بے دیکھے جی ٹوٹتا ہےوہاں اس کی ہر دم نظر ٹوٹتی ہے
غضب ہاتھاپائی کا ہے لطف ہوتاکوئی ان کی چوڑی اگر ٹوٹتی ہے
عدو کا بھی تو گھر ہے اے چرخ ظالمجو آفت ہے میرے ہی گھر ٹوٹتی ہے
تری بات کا کیا ہے عنوان قاصدتوقع ہماری مگر ٹوٹتی ہے
یہ غم ہے تو رونا بھی اپنا یہی ہےیہ رونا ہے تو چشم تر ٹوٹتی ہے
یہ کہنا نظامؔ اب تو سونے دے مجھ کوکوئی بیٹھے کب تک کمر ٹوٹتی ہے
— نظام رامپوری
Meri saans ab chara-gar tootti haiKahin jurti hai phir kahin tootti hai
Yeh khu hai tumhari to kyun kar banay giIdhar banti hai to udhar tootti hai
Na hum par hanso haal hota hai yeh hiMusibat jo insaan par tootti hai
Samajhta hoon kuch main bhi baatein tumhariYeh har taana kya ghair par tootti hai
Khuda ke liye phir to aisa na kehnaMeri aas ay nama-bar tootti hai
Yahan jis ke bay dekhe ji tootta haiWahan us ki har dam nazar tootti hai
Ghazab haath-pai ka hai lutf hotaKoi un ki choori agar tootti hai
Adu ka bhi to ghar hai ay charkh zalimJo aafat hai mere hi ghar tootti hai
Teri baat ka kya hai unvan qasidTawaqqo hamari magar tootti hai
Yeh gham hai to rona bhi apna yahi haiYeh rona hai to chashm-e-tar tootti hai
Yeh kehna Nizam ab to sonay de mujh koKoi baithay kab tak kamar tootti hai
فرہنگ
تشریح
اس غزل میں عاشق اپنی بے قراری، شکستہ دلی اور محبوب کی بے رخی کا بیان کرتا ہے۔ شاعر کا لہجہ شکوہ آمیز اور طنزیہ ہے، جو کبھی محبوب سے گلہ کرتا ہے اور کبھی اپنے حال پر ہنستا ہے۔ مقطع میں تھکن اور بے بسی کا اظہار ہے کہ کب تک بیٹھا رہوں، کمر ٹوٹتی ہے۔ مطلع میں سانس کے ٹوٹنے اور جڑنے کا مضمون عاشق کی نازک حالت کو نمایاں کرتا ہے۔