دل ہماری طرف سے صاف کروجو ہوا وہ ہوا معاف کرو
اہل گلشن بہار آ پہنچیخار و خس سے چمن کو صاف کرو
جب ستم ہوگا پھر کرم کے بعدتو کرم سے مجھے معاف کرو
مجھ سے کہتی ہے اس کی شان کرمتم گناہوں کا اعتراف کرو
یہ بھی عادت میں کوئی عادت ہےجو کہو اس کے بر خلاف کرو
کیوں بجھاؤ پہیلیاں بے کارگفتگو مجھ سے صاف صاف کرو
ایک دو تین چار پانچ نہیںسب خطائیں مری معاف کرو
حسن ان کو یہ رائے دیتا ہےکام امید کے خلاف کرو
حضرت دل یہی ہے دیر و حرممحفل یار کا طواف کرو
تم سزا دو مگر بحسب قصورمیں یہ کہتا نہیں معاف کرو
اس میں بھی شان پائی جاتی ہےہو کوئی بات انحراف کرو
سخت جانوں کا قتل کھیل نہیںکچھ دنوں اور ہاتھ صاف کرو
تم کو قہر کرم نما کی قسمفیصلہ میرے بر خلاف کرو
کھلتے ہیں دل کے اتنے ہی جوہرجتنا اس آئنے کو صاف کرو
دل میں ہیں خار آرزو لاکھوںآؤ کانٹوں سے گھر کو صاف کرو
طور سینا کی سمت جائیں کلیمنوحؔ تم سیر کوہ قاف کرو
— نوح ناروی
Dil hamari taraf se saaf karoJo hua woh hua maaf karo
Ahl-e-gulshan bahaar aa pahunchiKhaar-o-khas se chaman ko saaf karo
Jab sitam hoga phir karam ke baadTo karam se mujhe maaf karo
Mujh se kehti hai is ki shaan-e-karamTum gunaahon ka aiteraaf karo
Yeh bhi aadat mein koi aadat haiJo kaho is ke bar-khilaaf karo
Kyun bujhaao paheliyaan be-kaarGuftagoo mujh se saaf saaf karo
Ek do teen chaar paanch nahinSab khataayein meri maaf karo
Husn un ko yeh raaye deta haiKaam umeed ke khilaaf karo
Hazrat-e-dil yehi hai dair-o-haramMahfil-e-yaar ka tawaaf karo
Tum saza do magar ba-hasb-e-qasoorMein yeh kehta nahin maaf karo
Is mein bhi shaan paayi jaati haiHo koi baat inhiraaf karo
Sakht jaanon ka qatl khel nahinKuch dinon aur haath saaf karo
Tum ko qahr-e-karam-numa ki qasamFaisla mere bar-khilaaf karo
Khulte hain dil ke itne hi jauharJitna is aaine ko saaf karo
Dil mein hain khaar-e-aarzoo laakhonAao kaanton se ghar ko saaf karo
Toor-e-seena ki samt jayein KaleemNooh tum sair-e-koh-e-qaaf karo
فرہنگ
تشریح
اس غزل میں شاعر محبوب سے دل کی صفائی اور گلے شکوے دور کرنے کی درخواست کرتا ہے۔ وہ بار بار معافی مانگتا ہے اور محبوب کے ستم و کرم کا ذکر کرتا ہے۔ لہجہ شوخ، طنزیہ اور مزاح آمیز ہے، جیسا کہ شعر "ایک دو تین چار پانچ نہیں، سب خطائیں مری معاف کرو" میں دیکھا جا سکتا ہے، جہاں شاعر گنتی کی طرح بے شمار خطاؤں کی معافی چاہتا ہے۔ مجموعی طور پر کلام میں محبوب سے ناز و نیاز اور شکوہ و معذرت کا انداز نمایاں ہے۔